去機場前，我哋重有一件事要做，就係---交罰款
之前喺匈牙利小鎮～森檀德Szentendre"被抄牌"，之後到巴拉頓湖Balaton係假日，交唔到，之後去到克羅地亞的羅維尼Rovinj，去過郵局、銀行，都係交唔到，叫租車公司Sixt代交罰款，租車公司叫我哋自己交
究竟點解決？真係好煩！
朋友喺香港搵到慕尼黑有匈牙利旅遊局，跟住個地址去搵，睇吓可唔可以交，或者教我哋點交咗罰款
15:37到咗朋友比個地址，就係呢度
個樣唔似，我哋頭望望咁，見到有個喺地下食緊煙男人，就問吓佢個地址，重比張罰款佢睇，佢又識睇喎！我哋諗佢係匈牙利人，佢話張單上面有個 Swift Code，上網交就得，香港交都得？佢話係⋯網上銀行交就得，唔通係旅遊局職員
當時，我哋覺得好嘞好嘞⋯唔使煩，都冇問佢係咪職員
返到香港，老公打電話去銀行問點交，銀行職員就話咁樣係交唔到，唉⋯又交唔到
最後！老公唯有打去香港的匈牙利領士館，領士館職員比咗個email，話講個情況連罰款張單一齊email，比領士睇
從"被抄牌"開始，我哋已經好負責任咁一直去交錢，最後故事發展落去，就係－冇回覆
咁租車公司亦有冇扣錢？我唔肯定，因為老公係網上收Bank Statement，旅行碌嘅卡數，已過晒，但再之後，老公唔係成日Check住Statement嘅人，我不時提老公Check，老公話冇扣過，咁當係啦
可能領士睇完我哋email後覺得好小事，幫手搞掂咗（發夢中⋯haha）
還車前，要去洗車，呢幾日都有留意邊度有得洗，點解還車前要先去洗車呢？因為朋友租過Sixt，還車後返到香港，Sixt在信用卡扣咗€50
我哋上次租Sixt10日，好乾淨，冇扣到，今次租20日，去到克羅地亞已經好污糟，如果係€20，就由得佢扣，但€50，就洗咗先還車
16:08見到呢間，但要十幾歐，冇洗到
16:45去到機場附近，要入油，影低行咗幾公里，上次還車時唔記得影相，所以影咗先
機場入油都貴D，€1.479/升，之前見都係€1.3XX之嘛
入完油，見到隔離就係自助洗車屋，搵到嘞，重要好平€2洗一次，正
16:55 黑色係我哋架車，開始唔識，係咁噴射清潔液，因為一噴就計時，後尾見其他人係可以噴一陣清潔液，跟住擦擦擦，再噴清潔液，咁可洗得以乾淨D
入錢後按1就開始計時
洗完車後，隔離重有幾個車間有吸塵機用，但我哋已經冇Coins！
洗完就抺車，係我第一次，喺香港我唔會動手
17:22唔算好乾淨，但都好好多
17:49還車場
陪伴咗我哋20日嘅車，Byebye
因為班機係22:20，時間尚早，諗住未可以Check in，去到機場坐咗一陣
E EDEKA 係超市，Check in後就去行
18:51有自助Check in機，未夠3小時，已經可以Check in，早知早D試吓
機場都有MAREDO！早知中午就去HB食豬手，晚餐食MAREDO，咁老公就食到豬手啦，老公又話我唔做工課，我都唔想，激死！
上次慕尼黑機場上機前，都係行呢個超市
咖啡呢度唔夠維也納咁平，已經買咗幾盒，唔買咯
20:42 Duty Free
LA MER 100ML好平，屋企重有半樽，怕太多用唔切，留唔得耐
都係買60ML算，平香港好多，好開心
22:33返香港8077KM
最鍾意漢莎機倉冷氣夠，唔似日本機咁焗
23:59飛機餐就細份咗D，冇Emirates咁多
老公嗰份
07:46早餐
16:33到香港，東歐5國⋯巴爾幹之旅完成，返屋企
老公喺慕尼黑DutyFee買酒，平又大樽D
以下係慕尼黑機場超市買嘅，因為本人好鍾食香腸，所以買咗上機，雖然香腸應該要雪住，但機上夠凍，返到香港食過冇事，但腸胃唔好就唔好買上機
酒心朱古力，老公同事話好食，黑色朱古力好難食
總結
東歐5國⋯巴爾幹之旅20日全自駕遊，由德國慕尼黑出發，奧地利維也納、匈牙利布達佩斯、克羅地亞的16湖、Dubrovnik、Rovinj等幾個沿海城市，到斯洛文尼亞碧湖，最後到德國基姆湖，慕尼黑還車
20日共行3771公里，租車費€835.64，今次租車較貴，上次租10日€324咋，重要係BMW120i，今次因為去東歐，唔可以租BMW，不過架車較BMW120i大，所以較貴
最預算唔到係克羅地亞高速公路收費，奧地利路票7日€8.7，匈牙利路票10日約€13，唔使逐段計咁煩，克羅地亞我哋沿海玩，其實可行小路，風景又靚D，但沿海岸條路真係好長，所以都係行高速，淨係克羅地亞高速都用€65，
全程高速€87
另外城市泊車都貴，維也納、布達佩斯4晚酒店共€60
油費20日共用€358.50+Ft16718，共HK$3822
今次復活節去，天氣當然唔及秋天，16湖重落雪添，但沿海都好好天，感恩
克羅地亞、斯洛文尼亞都幾鍾意，尤其海岸，好靚(最愛仍然係希臘Santorini)，匈牙利就食物平又好食，德國同奧地利上次都覺得幾好，德、奧重有好多地方未去，希望下次有機會再去。
沒有留言:
張貼留言