遊沙巴

十月尾想搵間 Resort 渡假，近近哋，去東南亞，沙巴有親友去過話唔錯，最吸引我係睇螢火蟲，不過唔想跟團，雖然有親友話跟團嘅快艇大隻D安全D


訂咗A旅行社港龍3晚 Pacific Sutera Hotel 嘅 Package ，因為呢間酒店有巴士出市中心，比較方便，另外再住2晚市中心，呢2 晚平平哋就出島玩同去螢火蟲


但酒店 Full 咗，改訂同集團  Magellan Sutera，都係冇房 ！直接上酒網睇，嗰幾日真係冇房

咁啱見到B旅行社有個 Shangri-La's Tanjung 4 晚海景房 Package，不過係坐香港快運，之前都知相同酒店坐快運係比較平，而呢個 Package 做特價，重有機場接送，同送一個外島遊，但因為係團體飛，機票限期5日，老公想去多一、二日就唔得

但老公唔想坐快運，更加唔想坐廉航，而且未坐過快運，有D唔安心，但之後問咗旅行社話唔係廉航（其實我都想平，如果坐 Air Asia 就真係平，不過我都唔係太想坐廉航）

當時重有馬航做特價，淨機票2個人來回約5千蚊，可惜之前間旅行社問緊 Magellan Sutera 未覆，到覆返話冇房，馬航都冇晒好嘅時間！


如果揀返A旅行社坐港龍住 Shangri-La's Tanjung 的話相差2千蚊左右，同老公講好多旅行團都坐快運，快運唔係廉航，終於⋯喺我搞嚟搞去之際，老公覺得我好煩，終於話快運就快運啦

最後 Cheap 精嘅我因為平 2 千蚊，決定放棄港龍，而坐快運航機，B旅行比 A 旅行社平少少，所以轉去B旅行社Package，

只係老公覺得5日短咗D，住多晚就冇咁趕囉，但而家4晚唔使轉酒店，而且快運時間比較港龍好，應該都OK啦，Shangri-La's Tanjung 當初都想住，唔揀佢係因為交通唔方便，而家Package 平咗，咪用嚟搭的士囉

比晒錢之後，到出發2、3 星期，旅行社打嚟，話去程冇問題，但回程香港快運轉廉航，唔包飛機餐，旅行社會退回每人HK＄100，而行李就包每人20KG

聽完都冇計啦，係航空公司轉廉航，同老公講，梗係比人鬧， 好揀唔揀，揀香港快運！



好在，安全返到香港

亦都好在去咗沙巴，因為返香港後接二連三有綁架事件，重有馬航⋯，去之前發生的話，相信冇機會去沙巴。