第三日

2013年10月25日

今日全日落雨⋯唉⋯

09:33 第二日早餐，轉口味食太陽蛋

試吓湯粉，好清

食完早餐去碼頭，原本約咗11點出海，職員話大雨，要晏D先知幾點可以出海島，或者改天日出都得，咁唯有晏D睇吓會唔會好天再算

老公話嚟幾日都未游過水，所以要游水



11:10 游咗一陣開始大雨

之後重大雨

泳客喺橋底避雨，走咗好人，咁大雨，我哋都走咯

返房沖涼換衫，之後去大堂改天日出海島，預約做SPA，但今日Full，要晚黑10點先有位，梗係啦咁大雨，遊客都喺酒店休息，不過都照Book啦，做完返房就瞓


搞掂晒就返房⋯hea

所有生果離開沙巴都食晒，除咗二個番石榴，食咗一個，呢個唔記得拎走⋯⋯嗚嗚

12:30 仍然大雨，老公話晏D先出去，食D生果頂吓肚先

紅肉番石榴，第一次食

13:50 煙灰缸都要整個酒店標誌

雨細咗D，去酒店精品店、周圍行吓，老公睇酒店地圖，話酒店做SPA個位好似好靚，夜晚做有D嘥，咁又係，再去大堂改，就決定天日去完島就去做SPA

14:30 落雨冇人游泳池

原本海天一色

15:11 坐的士去 Wisma Merdeka，老公話出親市區，我哋都係去呢度，哈哈⋯係喎，因為方便嘛，不過今日係因為去食蝦麵

15:39 噖日食唔到，今日又唔開⋯唔係化⋯⋯有個香港男人見我食閉門羹，就話呢幾日休息，張紙貼咗出嚟，貼咗出嚟？行埋去睇⋯⋯

真係貼咗出嚟，點解點解⋯噖日睇唔到㗎，唉⋯好低能，不過唔緊要，重有好多嘢食

行去加雅街搵食

16:00見到馮業，食Kaya多士，第一晚撞到幾個香港人話幾好食，多士好脆，但老公鍾意Kaya麵包多D，話好軟喎，我就鍾意食多士，咖啡唔錯，美祿就諗住試吓，因為網上話沙巴晚好飲，呢餐RM11.40

坐得都幾舒服，加上落雨，涼涼哋，坐近門口都唔錯，老闆見當時唔係太多客，就同我哋吹水，佢講廣東話，好熱情

16:35食完唔夠半個鐘，又食下一餐－－新記肉骨茶

肉骨茶、黃酒蝦、豬尾

黃酒蝦－得5隻蝦，味道OK，但好唔抵食

肉骨茶，老公話同佢喺新加坡唔同

豬尾幾好味，雖然望落有D肥膏，但食落唔肥，肉又唔會過"林"

肉骨茶都係撈飯食好D，如果唔係就重口味，呢餐RM43

食飽就去 Suria Sabah，呢個商場新淨好多，不過都係冇乜啱睇 

17:29 商場 Food Court 望出去

國民餐廳，聽講魚蛋麵好食，雖然網上話另一間重好，而呢間分店麻麻，但都想試吓食，不過冇開

  Suria Sabah 商場都係冇乜啱買，見到文

具幾抵，買咗少少

 呢間超市比其他，又大又整齊

就係呢間  City Grocer

大約6點半離開  Suria Sabah，去雙天食晚餐，行行吓好大雨，去 KK Plaza 避雨，又去咗噖日間超市買手信

未夠7點半到雙天，幾間店都係雙天最多人，睇吓食咩海鮮先

嘩⋯RM80一隻

都係食平D，食呢個RM70一隻，返到香港比阿媽話Cheap，梗係食最大啦，都話我係Cheap精咯

老闆介紹食蘇眉，蘇眉⋯好貴喎，食斑得啦，原來蘇鼠香港都好少見，媽咪話佢都係食過一次

原本老公話食大蟹，但見到RM15 有時5隻蟹，即刻Cheap精上身，就食呢個啦，實在太平

呢張等食時影，頭先好多人㗎，不過當然冇大茄來咁多人啦

19:53 開餐

豉油皇蝦

睇吓比例

呢個比例再清楚D⋯hehe，好食，比大茄來個奶油蝦，呢個啱我口味得多

白胡椒蟹，比大茄來甘香蟹好食，因為唔會蓋晒D蟹嘅鮮味，大茄來都係RM15一碟，但雙天有5隻，大茄來得2隻，雖然大茄來可能大隻D，但都抵啦，同碟菜一樣價錢，真係好抵食，又好味

蘇鼠RM50，雖然媽咪話蘇鼠少有，但蒸過火，之前蝦蟹太搶味，魚就變得普通

幾隻蟹加埋其中部份膏，都好多膏

重有生果送

呢餐RM165，好滿足

雖然網上話大茄來比雙天平，但食咗呢2間後，我哋都鍾意雙天，2餐價錢差唔多，雖然大茄來就食多幾款海鮮，但都唔係貴價海鮮，而且細細碟，可能我哋2個人啦，食蝦2個人就2隻，落單時太急，人哋想食多D㗎嘛

重有想食胡椒蟹，話唔係招牌菜，最好食甘香蟹，蝦就冇豉油皇蝦，要食奶油蝦，想食魚又話你應該食唔晒，雙天豉油皇蝦、胡椒蟹都好味道，上菜係正常時間，唔會好似大茄來快到好似整定晒咁，食都食唔切

返房前又望吓D燕子

今日買嘅手信，班蘭蛋糕天日出島食

食D生果幫助消化