Day 9 - 馬特洪峰．日出金頂＋倒影

2017年10月4日  星期三

Riffelsee→Luzern→Feldkirch(奧地利)




今日要離開策馬特，最後機會上山睇日出，今日天氣應該唔錯，就同老公一齊上山，但我要05:30起身，老公就06:00起身，細妹二人就唔上山

老公為咗今次旅行買新鏡頭，同之前長鏡一樣，同一距離，但新呢個靚啲喎，好在今次有買，因為今日影到好靚的馬特洪峰日出金頂

06:36行到去策馬特火車站外，天未光，沿路都冇行人

Gornergrat Bahn站外，已有人排隊

呢個女仔，老公話噖日朝早坐第一班車都見到佢，應該係工作人員，佢由另一個入口入站

買Pass好處之一，其他人排隊中，我哋已經入咗閘

纜車都未到Rotenboden站，已經日出，等唔切，喺車已經開窗影相

07:24馬特洪峰日出金頂

橙紅色⋯好靚好靚好靚

07:26 雪山日出彩霞

07:28到Rotenboden，下班車上Gornergrat08:28


一落車，我要去站邊的廁所，叫老公行去Riffelsee先，唔使等我，呢幾日都行到好熟，出到嚟發現老公都係等埋我

07:31老公等我時影住幾張先

等我出嚟，老公就跑去Riffelsee，因為呢幾日行到熟，見到老公係第一個跑到去Riffelsee

07:38呢張我在上面用iPhone影，已經有幾個人到咗Riffelsee


馬特洪峰日出金頂＋倒影😍

可惜係因老公等我去廁所，遲咗幾分鐘，晨光的橙紅，變成金黃色

落到湖邊，又要換鏡頭，只係影咗幾張，好快金黃色已經冇咗

但影到馬特洪峰日出金頂，老公好開心😃大滿足，今日天氣好好

如果好天，馬特洪峰日出金頂在策馬特都會影到，但要日出金頂＋倒影，就真係佛系了，今次第一次到馬特洪峰就見到，真係都算好彩！因為之前冇研究過原來要睇咁多因素

因為朋友剛去完(6月初)，日出時間係5點多，第一班車上山係7點，只可在策馬手影金頂，就算住3100 Kulmhotel，但湖面未溶雪，影唔到倒影！

冬天就更加影唔到倒影，好多積雪，行去Riffelsee都難！

咁夏天7-8月住3100 Kulmhotel應該會影到，而住策馬特呢⋯好似我哋咁，9-10月坐第一班車上山，時間剛好（不過今日日出時間再遲多少少，去到Riffelsee等日出就重好！）

以上係我猜測，究竟幾月份影馬特洪峰的最佳時間，我都唔知⋯haha! 

其他龍友帶咗腳架，我哋反而冇帶

噖日同今朝，都見到三個人，其中一個女仔講流利廣東話，亦有講國語男仔，唔知佢哋係咪廣洲人，撞見佢哋三次，好有緣，我哋冇腳架，大家互相幫對方影合照

佢哋再上Gornergrat，同我哋一樣，晏少少就離開策馬特

去另一個位置影相，慢慢欣賞馬特洪峰

日出金頂時間己過，只淨一個人在湖邊

我哋應該再上Gornergrat，有20分鐘時間影吓冰河，都係坐係08:48落山，但冇上到，當時可能覺得影到馬特洪峰日山金頂再加倒影，已經好滿足

Rotenboden都可欣賞冰河

09:39返到民宿樓下，幾日都冇買三角朱古力影相，離開前都要做一般遊客會做嘅事，呢個位置唔好，應該去河邊，但冇時間

09:52妹夫煮好早餐，今日係牛肉通粉，食咗好多日麵包，剛才山上凍咗咁耐，有牛肉通粉食，正！

重加隻太陽蛋

10:31今日天氣咁好，可惜要離開

去Gornergrat Bahn退還Pass，攞返按金

好多人排隊買飛

10:42離開策馬特，希望下次再嚟