Day 7－郵輪第六日～Barcelona巴塞隆拿(西班牙)

2015年12月4日

07:49 今日多雲

好多海鷗

今次MSC郵輪之旅主要去意大利，重點行程 係羅馬同巴塞隆拿，羅馬之前去過，之後都會再去，所以都唔算重點嘅，西班牙呢，老公話治安差，唔想自遊行，坐郵輪真係啱晒，所以巴塞隆拿真係重點行程，但得一日時間，當然主要參觀高迪建築物啦，我亦網上訂咗入聖家堂Sagrada Familia門票

08:14 雖然早餐日日一樣，但真係好豐富，而家睇返都好想食

我每日都係 Eggs Benedict，老公就每日MSC精選

同船友H＆C食完早餐，準時落船，當時已經嘟咗船卡，行緊去碼頭，突然⋯老公話聖家堂張預約紙留咗喺房保險箱⋯吓？！⋯⋯

今次唔關我事，老公成日話我大懵，呢D重要文件，一定係老公保管，今次老公又安全得滯，放喺保險箱，又唔記拎出嚟！即時同H＆C講，我哋要返房

H＆C 二人都係重遊巴塞隆拿，H上年到過，而C大學時遊學半年，選擇咗巴塞，所以C好熟路，今日第一個景點係某個廣場(唔記咗)，之後就去聖家堂，我哋入教堂參觀，佢哋在出面影相，之後大家分開玩

H話等埋我哋攞嘢，但記得之前C講話重遊巴塞好開心，好多地方想去行，咁我哋唔好意思浪費佢哋時間，叫佢哋行先

09:32 再落到碼頭，浪費咗大約廿多分鐘，巴塞隆拿港口都幾多人拉喼落船

MSC有巴士出市中心 €8.9/人來回，有做功課，知道有T3巴士€3/人來回，咁梗係揀T3巴士

T3 Port 巴士在最開一邊

09:49 好快出到市中心

09:55 過馬路就係在Metro Drassanes 站

落到Metro買T10車票€9.95，T10意思係可多人乘搭，可以用10次

售票機要排隊，到我哋時，入€50買，但售票機彈返€50出嚟，好似係冇得找錢，但我唔夠零錢，試過用信用卡買，又買唔到，搞咗一陣，當時重有其他遊客，比其他人試吓買，同我哋一樣，都係買唔到，老公話上地面換零錢

好彩上到地面，見到有間小超市，諗住買支水，但好似好肉酸咁，最後買咗盒咖啡，總算有零錢

之後都見有遊客同一情況，相信之前好多MSC遊客買車票，到我哋時，售票機冇錢找續


Metro在聖家堂Sagrada Familia站落車

每日入聖家堂遊客都好多，所以就網上訂票，預約好時間，就唔使排隊，入教堂＋登塔＋語音導覽€24/人



好在之前係預約10:30-10:45入場，唔係今日咁多波折，會遲到入場，遲咗都應該比入啩

10:36 排隊攞語音導覽

 參觀Tower on the Nativity Facade 誕生立面

聖家堂Sagrada Familia

陽光透過彩色玻璃，好靚

預約上塔時間係11:30，上之前要放低背囊，老公的相機背囊大，普通的Locker放唔入

11:21 只淨低一個大Locker，但個鎖有問題，鎖唔到，搵工作人員幫手，今日問題多，好彩最後鎖到，唔得就要等下面Locker的人返嚟

電梯每次只可載6人，所以要預約

塔上望到市區

塔上通道非常窄，只容許一個人行，亦都冇時間慢慢影相，因為一路有人上塔，你唔行，之後的人亦過唔到

下次會選擇入教堂，登塔冇乜特別，當然，未上過又會覺得應該要上嘅

行樓梯落，轉到頭暈

再入教堂

聖家堂入面光線運用得好好，好靚，值得一遊


出面好多人排隊

大部分人都話預半日時間參觀，但我哋只係2小時左右，一來冇時間，二來冇藝術氣質

對面公園有小食


離開聖家堂，見到有間麥記，好好彩去WC唔使錢，呢間麥記真好，上船前行蘭布斯大道，間KFC唔比遊客用

搭Metro去Diagona站

12:49 街道幾整潔

米拉之家Casa Mila，都係高迪建築物之一

離米拉之家不遠的～巴特羅之家Casa Batllo，當然都係高迪出品

露台好特別，好似一個面譜

搭Metro去Liceu站

Mercat de Sant Josep 聖約瑟市場

13:27 好多黑毛豬肉


老公話要食炸蟹鉗，買咗一串€3.5，但唔番炸，凍冰冰唔好食

行咗都冇一個圈，因為時間緊迫，要決定食西班牙海鮮飯定食海鮮，2選1⋯⋯

我哋最後揀食海鮮

枱前面放各種海鮮

魷魚，唔算太鮮甜，但幾香口

西班牙紅蝦，睇過台灣旅遊節目，話好好食

好大隻，€12一隻，貴，但蝦膏真係好好食

睇吓D蝦膏幾多，有碗白飯就好，撈飯正

蟶子鮮甜，但蒸過火，都係香港鼓椒抄蟶子好食D

呢餐€57，好滿足

C說幫呢間買西班牙火腿，咁我都去呢間買，反正間間都差唔多，相中右邊餐廳有西班牙海鮮飯食，遺憾食唔到⋯！食海鮮飯對面就係頭先食海鮮餐廳

買買吓，見到H＆C，佢哋都係剛在市場食完飯，而家買火腿

同佢哋傾幾句，就搭Metro去Vallcarca站，落車要行一段路

14:59 再上山坡

桂爾公園 Park Guell，唔使問，高迪作品

因為之前景點唔知用幾多時間，所以冇網上預約入公園，入場參觀€8/人，而家時間唔早，唔入場咯

C說公園之前係免費入場，而家在外圍都影到公園入面

都想好似其他遊客咁坐低影張相⋯下次吧！

公園標誌～大蜥蜴

其實老公唔想嚟桂爾公園，覺得唔係好靚，到咗影吓相就走，浪費時間，情願行市中心，食吓坐吓

但我係一般遊客，景點都想盡量去，而且巴塞隆拿都唔知幾時再到，當然唔想錯過，而家都算到過公園，雖然係外圍，有D位置都影到，我覺得公園好有童話感覺，都幾靚

16:04 Metro內販賣機，幾多選擇，幾方便

搭Metro去Liceu，再去聖約瑟市場

16:22 買果汁飲€1/杯

老公問我做乜買生果？船上大把生果食，我以為揀生果後會打汁嘛，咁咪買多杯芒果汁囉

行吓蘭布斯大道 La Rambla，沿路行就去到碼頭

嘩！女人雕像好似呀

碼頭外的哥倫布紀念柱

17:02返到郵輪碼頭，6點先開船，其實可以行多陣，不過老公話梗係早D好，上唔到船點算

望到船內晚餐餐廳

免稅店

18:16 晚餐時間

今晚甜品冇得揀

煙熏三文魚

風乾牛肉片

奶油蘆筍西米湯

意大利雲吞，我其實想食Risotto，但通常大碟，老公唔幫口，唔想浪費

橙汁鴨，幾好味

牛排係穩鎮選擇

烤大蝦竟然有3隻，重幾鮮甜，當然唔及中午食嗰隻，但都幾驚喜

點解今晚食咗3個主菜，網上話食得落係可以任食，可能今晚肚餓就叫3個主菜食⋯可能影咗船友主菜相⋯可能前一晚又比咗小費⋯可能⋯都係唔記咗， 算吧啦，但明明叫甜品又唔可以食雪糕喎⋯

火焰雪糕

主廚出嚟多謝乘客

份量重少過平時叫杯雪糕

今晚表演主題係阿凡達

尾聲有字幕

重有中文字－謝謝

各部門工作人員都有謝幕

天日日報

買咗2個鎖匙扣

今日要換零錢而買的咖啡€5.95，比之後一日買貴咗，但有需要，冇計啦

西班牙火腿2包€13.75