國泰、新加坡航空商務比較

 人生第一次坐長程商務，原本係2020年去歐洲，因為武漢肺炎，當然係取消咗，世界唔同咗，香港都不一樣，所以⋯咁我嘅人生第一次長程商務改咗去英國

2021年10月初，和友人D&M 出發

武肺期間，Cathay Lounge 好多冇開，今日去～The Wing寰宇堂

Lounge 唔多人，以前係自助餐式，而家係點菜

餐牌

我飲薯仔湯，友人同老公飲酸辣湯

椰菜花沙律🥗

餐牌上主菜5樣都點嚟食，份量唔多

炒鱸魚

慢煮豬腩肉煎包

醉雞

新豬肉麻婆豆腐

匈牙利紅椒燴牛肉

兩位男士重要食多碗雲吞麵

甜品～楊支甘露、雪糕及生果

食飽，去另一邊坐低飲咖啡

 以前要預約先可以有位去沖涼，估唔到即時有位，今日上機前熱到全身大汗，梗係去沖涼

食物唔錯，環境舒適，人唔多，又有涼沖，對今次Lounge 體驗-滿意

機場冇乜店開門，大部分拉晒閘

上次大阪坐商務因為短程，唔係呢種座位，搭飛機好難瞓著嘅我，今次都瞓到幾個鐘，可以躺平果然唔同

武肺下蝕錢的國泰，禮品包的Jurlique改為bamford⋯失望，唔識呢個牌子，之後在英國Outlet 見到有，原來係英國牌子

我點餐時，海南雞飯已經冇晒，求其食個魚

半夜肚餓，可以點餐，因為飽，冇食，朋水D食咗豬肉漢堡，話幾好味

早餐好豐富

就快降落，倫敦夜景

2022年3月，原本都係坐國泰商務去英國，1月通知取消機票 (話機位重組喎），打電話去問，商務要4月尾先有位，咁只好取消

後尾見到新加坡航空有特價，每人有60KG (國泰商務只有40KG)，雖然冇直航，商務坐多程冇所謂

行到去新航的Lounge，發現係以前香港航空的Lounge位置，幾年前來過這間

沙律、飲品自取

有幾種食品可以點，蛋炒得好滑，唔錯

3月尾的香港，天氣都已經熱，當日上機氣温成30度，去到機場想沖涼，即時預約又有位，沖完涼上機舒服啲😌

浴室冇上次國泰咁大，細細間都唔錯，重有張床

上機時空姐通知，我哋個喼爆咗，因為每人60KG，個喼塞得太爆，工作人員用膠紙綑好，去到英國同新航講，送一個新喼，我覺得服務都OK，但老公話佢個係新秀麗，補返個什牌喼，好過冇咁囉

新航的椅背較高，私穩度高，座位都較寬濶，比上次國泰好，但自己唔可以較低張椅躺平，瞓覺要空姐舖床

呢程去新加坡3小時50分

頭盆樣子吸引，味道都好

食魚冇咁肥

蛋糕就一般

差不多11點到新加坡機場，店舖好多已關門，只淨免稅店有開

到新加坡機場最想買豬肉乾、班蘭蛋糕，豬肉不可入境英國，班蘭蛋糕好想好想食，但一來已經關門，二來行李太重，落機冇手拎

估唔到新加坡機場會有蓮花清瘟

等3個多鐘轉機，冇乜嘢行，就去Lounge 坐

Lounge 幾大，但估唔到好多人，好嘈吓，揾咗一陣先有位，重諗住新加坡機場嘅Lounge 一定正，自助餐形式，較香港Lounge多選擇，不過望見一般般，又唔肚餓，食得最多係生果

試吓點心，味道⋯唔記得

點都試吓碗喇沙，味道OK

座位同上程機一樣，呢一程飛13小時45分鐘，機程長，但比上次國泰瞓得更好

新航商務而家冇禮品包，因為想要拖鞋，問先有

頭盆三文魚，冇上一程咁正

今次重點係～芝士焗龍蝦🦞，雖然過火咗少少，但都幾鮮甜，飛機餐有龍蝦食～正😋

早餐食咗個牛肉漢堡，好大個，老公食肉骨茶話好味

以座位舒適度、飛機餐味道、服務新航較好，Lounge 就國泰好

國泰係Asia Miles 換，新加坡航空係比錢買，如果唔係國泰取消咗機票，未必坐到新航，之後兩次商務都換咗國泰，用晒Asia Miles 之後，要等航空公司特價先捨得買😅