英式生活

 2021年，好大改變的一年

3、4月開始將家當入箱，慢慢執，執到尾聲，真係開始懷疑人生

之後去剪頭髮，髮型師話你瘦咗，吓⋯戴住口罩都睇到😦

佢話見到頸明顯瘦咗，近年最瘦係呢段時間

10月，和朋友D&M去英國，展開新生活，一齊租住BNB，初時係咁食，重肥過之前😂

住BNB時比較空閑

老公鍾意一早去附近行公園，話見到松鼠🐿️，有一次同佢去行，真係見到

充滿秋意的公園

有空閒會四圍行吓，呢日去咗利物浦海邊

The Beatles 披頭四紀念銅像

曼聯球場

C朗當時重在球隊

2021年的曼城聖誕市集，2016年特登去德國、意大利玩、去聖誕市集，當時住曼城BNB，去聖誕市集行去就到

之前去德國聖誕市集都見過呢種風車

德國式烤香腸

食熱狗飲熱紅酒，熱紅酒老公話德國好飲啲

收樓前去Oxyford住一晚，主要目的係去Outlet 買家庭用品

LE CREUSET 、孖人牌

之後收樓，新屋開始油漆，我同老公都未試過自己裝修間屋，英國係咁，乜都要自己做

送床嗰日即日入伙，有床就瞓得，之後間屋只有餐枱同2張櫈，只係住咗9晚，就要返香港，唔捨得張床，間屋都未係好熟，就要離開

香港重有嘢要處理，其一係要寄家當，有地址就可以寄

3個月後再回英國，要買傢俬電器，大部分傢俬要自己砌，電視櫃書枱書櫃茶几客房衣櫃鞋櫃什物櫃，真係好多櫃⋯，重有客房油漆未油⋯

做到悶，開車去附近遊覽

4 月天氣好，York約克～一個古城

行吓古城牆

英式下午茶

Harry Porter哈利波特斜角巷

4月，天氣越來越好，又會去行吓山

估唔到我住的小鎮，都有好多櫻花🌸

這條路大約1-2公里，兩旁都係櫻花

另外一個小公園

呢日剛已過滿開，開始落櫻

嘩！去日本未必遇啱落櫻

冇得去日本(當時日本限制入境)，屋企附近有咁景色，驚喜

油菜花田

湖區

再去利物浦，今次係去飲茶，順便到利物浦球場

狗仔用品都有，犀利

5月尾，收到家當，慢慢執屋

有日，食食吓晚餐，抬頭望到彩虹🌈

即刻出花園望，雖然响英國不時會見到，但在自己屋企見到都幾開心 

5月尾，去Nottingham住一晚，揾新識的朋友，佢哋住咗幾個月Nottingham，遲啲會搬去我哋屋企附近另一屋苑，有人帶路遊覽

好多鴨鴨

羅賓漢像

鹿公園

不可太近

佢自己行近唔計

6月尾去愛丁堡3日2夜

坐餐廳外面食，氣氛好

焗帶子好味

呢餐環景味道都唔錯

卡爾頓山Carlton Hill

愛丁堡城堡入場

食晚餐的餐廳，建築物好有歷史感

呢餐都唔錯，偏貴少少 

愛丁堡的獅子山

香港獅子山未上過，行愛丁堡嘅

真係好似獅子

回程順道去～哈德良長城，古羅馬遺跡

7月又返咗香港，再返嚟10月，天氣已涼

今次整客房、我嘅書房、油花園圍欄

某日，老公發現屋企草地有雀仔啄吓啄吓，原來係刺蝟🦔，老公見佢震震吓以為佢受傷，拎佢返屋企先

開頭好驚，縮埋一嚿，後尾比啲嘢佢食，佢又食

好得意，應該係BB

想走，爬出個盒

老公好想留佢係花園住，我覺得鄰居會投訴，因為野生動物唔可隨便養，我覺得佢要揾返媽媽同家人，冇理由得一隻

走出車路，決定放佢出返草地

之後見到港人鄰居，佢話下次見到刺蝟要同佢講，佢個本地人鄰居之前有放飼料比雀仔同刺蝟食，見刺蝟有大有細，而刺蝟係夜間動物，日頭出嚟可能係病，佢會帶佢睇醫生，

真係長知識

深秋，英國紅葉🍁唔係太多，黃葉就好多

櫻花樹變咗紅葉

萬聖節🎃

之前一日有一組2個小朋友嚟攞糖，買咗2盒糖諗住夠派

萬聖節當日，5點半第一個小朋友到，化晒妝，好認真

呢2個小朋支，之前一日已經嚟攞糖，今日再嚟

唔同人再嚟，一共嚟咗3次，睇吓佢幾大袋

好可愛

開頭冇諗過咁多小朋友嚟，有啲都會問可唔可以攞多啲，會叫佢哋攞多啲糖，後尾⋯糖告急，老公即刻出去買，有港人鄰居都話唔夠派，熄燈唔應門⋯哈哈，下年會準備多啲

我幾鍾意萬聖節，見到小朋友悉心打扮，好可愛，不停開門派糖，好高興

11月頭的煙火節，同朋友們一齊去附近小鎮睇

都幾大型，放咗20分鐘，响香港迫都迫唔到入去

11月初，開始整花園，之前約咗一間公司甩底，冬天前整好花園，放下心頭大石(朋友M話)，冬天冇人整花園，因為太凍，下年整又會越嚟越貴

完工，手工唔錯，細心有手尾，隔離朋友嗰間重靚，因為佢哋花園大啲，留少少草地，有綠色靚啲

11月中，去附近小鎮行山

行完到小鎮食飯又一日

11月尾睇世界盃，老公話今次終於唔使捱夜睇，一日睇足4場，好開心

曼城聖誕市集，第二年嚟

12月中落雪了

朝早起身，窗口的雪花

曼城大商場，好有聖誕氣氛

商場外面，類似香港的冬日嘉年華🎡

冬至前一天21號，新相識朋友、鄰居好友等11人圍爐取暖

好有心思，靚靚果盆

冬至，和鄰居及新相識的朋友9人去食韓燒＋火鍋

平安夜，靜靜哋和鄰居友人D&M一齊食，老公整肉醬意粉，M焗羊脾

27號去咗Lancaster，因為落雨，冇乜點行，下次再去

2022年，就咁樣過咗，可能英港兩邊走，幾乎每日都有事處理，有時買吓嘢又一日，同朋友去酒樓飲茶又一日，

新識隔離屋苑朋友過嚟吹水又一日，我哋屋苑越嚟越多港人，有時去八吓，有嘢時要幫手吓，對我嚟講，英國生活香港熱鬧，都幾忙⋯暫時，呢度鄰里關係好

遲啲應該冇咁忙，唔知會唔會悶呢，不過朋友會嚟㩒門鐘，吹水又一天，有時又會送好食嘅甜品🍮

呢個係朋友女婿做，法國藍帶學生出品，好味🤤

初到英國，係咁食，甜品又平好味，Kerry's~ 好香滑，又唔太甜

呢個Tiramisu，1盒4個人食，只係2鎊，抵食到呢，雖然而家貴咗，都係平，係我至愛之一，重有好多好食嘅甜品，香港食開的雪糕牌子，一次都冇買過嚟食

唔節制，真係會肥好多

飲茶，點心味道比香港一般酒樓好

最驚喜係燒肉，多數都好食🤤

英國生活暫時適應，可能天氣凍，好瞓，不過我哋英文唔好，要學

最難適應係每日要煮飯，早、午、晚煮要自己整，唔似香港落街食嘢咁方便，多數嚟到英國變廚神，我例外😜，下年落多啲心機

2023年1月1號，同隔離鄰居好友D&M一齊飛日本，玩10日，去白川鄉、高山、金澤，之後一齊返香港過年，買機票時，日本都未開關

可惜⋯計劃趕唔上變化，朋友突然有要事，提早返香港，酒店同租車全部要搞過，因為有啲酒店係朋友D訂，租車都唔使租咁大架，租細車就得，再訂酒店當然貴咗

本來一齊去，變咗响日本一齊食一餐飯，最後佢哋返香港先，我哋照計劃去玩，一波三折

希望朋友家人平安

英國有罷工，大陸通關，混亂中⋯希望一齊順利！