飛歐洲頭等⋯夢碎

2020年 原本會坐幾程～商務機位來回

4月～商務來回名古屋，玩立山黑部

2021年1月又換咗商務來回北海道 (北海道好難換，遲咗幾星期竟然重換到，可能2、3月時已有武漢肺炎，當時諗住重有成年，實冇事，換)

2020年最⋯最⋯最期待係～飛歐洲～頭等機位來回😄

以上差唔多用晒所有Asia Miles

打咗1個月電話，先換到Asia Miles 去法蘭克福的機票

點解要打成1個月電話，因為⋯係～假單程

頭等1程都要100,000Miles，假單程少啲里數

 商務已經難換，重要加1程頭等

而換假單程機票，唔可以上網換，一定要打電話

慳咁多里數，咁⋯努力打電話啦

假單程是咁的：

香港HKG ->法蘭克福FRA(停留2星期) ->日本成田NRT

即係機票去程～ HKG->NRT  #中間停歐洲玩(扮轉機)，所以用咁少里數

另外加回程～NRT->HKG 

係有啲複雜，所以一定要打電話去 Asia Miles，電話當時每次都等好耐先有人聽

原本想9月尾出發，10月歐洲天氣好，大約7點天黑，多啲時間玩

因為歐洲玩2星期，要等到出咗回程日期，先可以打電話去，但⋯等到有回程日期，出發日期機位就冇晒位，Asia Miles換頭等機票、商務幾個位，好快換晒

原本想在香港出發坐頭等，未去過國泰頭等Lounge寰宇堂、玉衡堂⋯期待），之後去日本玩幾日返香港，一次過滿足2個願望

想換日期好快冇晒，一路向後推，唯有⋯改一改

咁改玩日本先，由FRA回程坐頭等返HKG，咁會比較易少少

有個好人的Staff，教我先換11月1日-4日來回程，咁可以定咗去程，之後等到回程出咗日期，每人比UD$40改機票，咁就唔怕有回程日期，出發日期又冇位，最緊要定咗出發日子，回程日期可彈性處理

頭等每程只放一個，只好換一個頭等，一個商務

最後，出到機票是咁的：

28Oct2020 - HKG->NRT ～ 呢程係另外一張機票，商務25,000Miles

東京近郊玩幾日睇紅葉🍁

1Nov2020 NRT->FRA 商務HKG～呢程係日航）

試埋日航商務位，正

飛法蘭克福後租車，主要去捷克🇨🇿，玩三幾日德國

主菜係～回程💥

13Nov2020 FRA->HKG ～頭等

全程機票

機票 -- NRT->FRA->HKG只係112,000Miles

全程機票 -- 商務＋頭等25,000+112,200=137,200里

機位就梗係㨂第一行，A1

老公坐頭等，我就坐商務，Waiting頭等位

我㨂A11, 只係同老公隔1行，如果有位就坐老公後面或隔離

頭等機位可以帶一位客人去Lounge，如果Waiting唔到頭等，我都可以去頭等Lounge

而我全程商務位，只係25,000Miles+90,000=115,000Miles，就算冇頭等，全程商務都好開心，日航飛法蘭克福的飛機餐聽講都唔錯

訂咗位後，滿心期待

2月，武漢肺炎爆發，我重訂4月去名古屋的酒店，老公話唔好訂住，我話2個月後，應該冇事啦，訂咗先

之後當然要取消！取消咗，再訂下年(2021年)4月去名古屋，心諗，1年乜都飛到啦

11月的頭等，諗住實飛得，時間一路一路過，越來越⋯灰！全年冇得飛！

最後，當然要取消，失望！

最失望係假單程已改咗條例，假單程成為絕響，想慳里數坐頭等，冇機！

頭等夢碎！！！

重要蝕咗USD80的改機位費！

早幾日，收到通知4月去名古屋航班已取消⋯都係飛唔到！同立山冇緣！

2019年如果唔係去冰島，可能已坐咗頭等，因為同朋友去，費事自己兩個坐啦(機位安排飛冰島都有啲煩嘅)，諗住下一年，就咁⋯同頭等擦身而過！

有機會都希望坐一次頭等，正常換一程頭等＋一程商務165000里，只係唔可以一次過玩埋日本啫

不過⋯世界已經比武漢肺炎搞到不一樣，唔知幾時可以好似以前咁，想飛就飛⋯！

唔應該埋怨，只係冇得坐頭等，相比好多人，呢一年失去好多，香港失去好多，實在應該感恩！