2019年9月15-16日 星期一
辛格韋特勒國家公園Þingvellir National Park→藍色秘境瀑布Bruarfoss Waterfall
00:25機，6點多就到機場
其一，怕塞車，香港呢排交通⋯你懂的！早到安全啲！最主要係其二，老公拍擋6點落機，之前因我哋架車被撞尾，借咗拍擋架車，今日在機場交收
其三，老公侄仔中秋節返咗香港，今晚飛返台灣，佢哋9點機，老公諗住入閘後見吓，帶佢哋去Lounge，亦都諗住呢排咁嘅情況，航空公司會比早啲Check in，點知去到靜靜英，Counter冇職員，呆等
20:46排隊等Counter開，我哋排第一個，開始Check in時老闆B就到，佢就真--時間剛剛好，唔使排隊
入閘先去Lounge食嘢
23:46 芬蘭航空AY100～00:25起飛🛫️，06:00到赫爾辛基，飛行時間10小時5分鐘，再轉機去冰島
01:17好快派飛機餐，可以早啲瞓
09:35(香港時間)8小時後食早餐
降落赫爾辛基，天都未光
在赫爾辛基機場過關檢時行錯路，出咗去攞行李位置，即時要揾路⋯好緊張，如果好似頭先咁多人過關，實趕唔切上機，好彩再過安檢好快，跑去閘口⋯有驚無險！
07:28 AY991～07:45-08:35雷克雅未克Reykjavik
呢程內陸機比上年坐嘅英航好，起碼有飲品
冰島上空，見到冰川
入境後先經過一間超市，想買張本地電話卡(另一張在香港買咗)，但原來唔係呢度買，記錯咗
攞咗行李出閘口，有間便利店，行咗一圈冇，去問職員，我都未開口就問我想買Sim卡⋯哈！Sim卡ISK2900，貴少少都買張本地Sim卡，安全啲
順便買食少少嘢，亂點，都幾好味
麵包同水每樣都係ISK599
09:42 沿Car Rental Shuttle Bus行，等巴士
天氣麻麻，等巴士時已經覺得好大風，幾凍
10:06 到租車公司～Blue Car Rental
嘩！租咁多次車都未見過咁多人！
之前見過網友話呢間租車公司好多人，要分批行動，揾一個過嚟㩒飛先，只係⋯我唔記得咗⋯唉！
等咗一個鐘先攞到車(原本諗住最遲10點開到車)，室外温度6度
11:19開車，Blue Car Rental隔離的幾間租車公司
第一站係去辛格韋特勒國家公園(國會山國家公園)Þingvellir National Park的P1的停車場，
但開過咗(冰島唔應該開咁快，好多相機，罰款
好貴)，去咗P3停車場，P3冇諗過到，見有人停
車，老闆B好心急，話落車行吓先啦
國家公園有幾個停車場，P1最多人去，睇"歐亞板塊"及"美洲板塊"的裂縫交界處，重有遊客中心、P5睇法律石和冰島議會紀念建築
12:38辛格韋特勒國家公園的P3停車場，嘩！都靚喎！裂縫好壯觀！應該都係板塊交界處的位置
行落去，落雨，地下濕滑
行咗一陣停雨，仍然陰天
近距離望岩牆
P2停車場的Öxarárfoss瀑布在前面150米，一於行埋過去
望到Öxarárfoss
今次旅程第一條瀑布～Öxarárfoss
水好清
13:22返到P3停車場，開始有少少藍天
13:36 P1停車場的遊客中心
13:41在觀景台影經典位置～Thingvellir教堂及五間小屋，比樹遮咗1間
離開觀景台往步道行
太陽出來了！
我覺得呢度冇剛才P3停車場望裂縫咁壯觀，不過呢度景觀就開揚同顏色豐富啲
右手邊樓梯位上面的觀景台，較近位置望Thingvellir教堂及五間小屋
再直行就係法律石，但冇行前，因為P5停車場較近，之後停P5又行返同一條路！其實幾個停車場係相通，浪費咗時間！
同之前影一樣，比樹比樹遮咗，Thingvellir教堂及五間小屋，影出嚟得4間
14:03老公肚餓，買少少三文治食，我食蛋糕，共ISK1350約HK$88， 又唔算太貴，三文治幾好味添，老闆B二人唔餓，老公消化力強
*P1停車場的遊客中心內有部機比停車場費，見其他車的車冇放收據，就冇比錢，兩日後，老公已經收到email 話扣咗罰款，ISK750停車場費，ISK2500係罰款，共ISK3250HK$210， 好彩唔係貴！
辛格韋特勒國家公園幾個人停車場共通，只要比一次錢ISK750就可以泊幾個停車，冰島真係唔可以求其泊車，好彩第一日就罰咗，之後行冰川個停車場付款好麻煩，都堅持要搞掂付款，唔係又罰
P5停車場泊好車，行去法律石，見到好大條彩虹🌈
行行吓，好熟⋯原來剛才P1行過！
有旗的位置就係法律石 Logberg，大石就係冰島議會演講台，全世界最早民主議會
辛格韋特勒國家公園，今日只係去咗主要景點，
如果多啲時間慢慢行，細意欣賞，應該重有好多
靚景可以影，可惜今日行程已經嚴重Delay，要走
離開國家公園的P5停車場，最近就係行#361路接駁行一段#36#接駁365去藍色秘境瀑布Bruarfoss Waterfall
15:12 行咗一段#361，噢😯封路！
只好回頭，行#36公路再駁#365，又浪費時間！
15:47綠草山坡小屋在歐洲常見，但冰島就係少見景色
16:06藍色秘境瀑布停車場泊好車，開始行就見雪山、藍天，天氣轉晴
藍色秘境瀑布Bruarfoss Waterfall，因為位置難揾，又係私人土地，不過因為顏色靚，多人到，而家都唔係秘境
冰島美景處處
冰島馬
在藍色秘境瀑布專用停車場Bruarfoss Waterfall Offical Parking停好車，來回要行2.5-3小時，知道有段泥濘路難行，有網友話泊好車向馬路直行，見到村莊行入去，呢條路冇風景，路程較遠，但容易行同行得快，所以起步前問咗老闆B，選擇邊一條路，老間B話呢度多人出發同見有人回頭，選近停車場呢條
16:21開始行，呢段石仔路都算好
16:33離Bruarfoss重有2公里，前面開始係泥濘路
呢啲唔算難行，不過對鞋屈來屈去，行完呢程，好怕對鞋捱唔住，會甩底
之前諗住行泥濘路慢慢行都OK，但原來唔係咁簡單！剛開始行一陣，見到有遊客行回頭，條褲同對鞋好多泥！
有幾難行❓路旁兩邊係樹枝，行中間的路特別瀾，可能泥會去到鞋面，只好行路兩旁，兩旁泥濘較淺，但要避開樹枝，兩旁路踩落泥濘都係又滑又啜腳！好怕跌落泥泥漿度！有時都要行中間的路，老公同老闆娘都跌親，老公就以為自己好敏捷，但泥路真係好跣，老闆娘就話佢係向前跌，差啲比樹枝插到，好彩用手撐住！
行多一陣，有遊客話"Almost there" ⋯重話好靚，另一個又話，最難行已過咗，前面路好少少，重有5分鐘⋯真的嗎❓回頭都係泥濘路⋯就繼續行
16:45睇吓泥濘路有幾瀾，應該影多幾張相，但當時只想快啲行完
我哋行得比較快，等老闆B同老闆娘，睇返影相時，估計行咗30分鐘，好似行咗1個鐘咁！真係行到崩潰！
呢張相17:10影，唔記得係咪行完泥濘路即時影
17:17見到一條瀑布～Hlauptungfoss
冰藍色的水😍
對唔住都做一次！在旁邊的水氹洗鞋
呢張係第二日影，在民宿再洗多一次，仍然好污糟
粉藍、冰藍、夢幻藍⋯點形容呢！
以為係Bruarfoss，重未到，其實呢條瀑布係～Midfoss
可惜陽光照唔到水面
Private Property，開始行入私人地方
17:47已經過咗Hlauptungfoss & Midfoss，以前可以停車在附近，但太多遊客，業主曾經封咗Bruarfoss，而家再開放，我哋守規矩，唔好泊人哋地方，慢慢行
17:54見到前面條木橋，就到喇
17:59睇住路牌繼續行
18:08終於到Bruarfoss，可惜天色暗咗！
Bruarfoss唔同冰島其他瀑布，係睇水色，粉藍、冰藍、夢幻藍⋯網上話係Tiffany Blue
下游重有少少陽光
好可惜！可能早10分鐘上游會有陽光！
4點多一點到Bruarfoss停車場，16:23開始行，差不多兩個鐘，有網友話來回2小時，我哋真係好慢😂，除咗泥濘路難行，老闆B不停影相都係原因之一
開始日落，影幾張就走，老闆B話唔會再嚟Bruarfoss，泥濘路行到怕，而且佢覺得瀑布唔夠壯觀，我就幾鍾意❤️Bruarfoss，顏色靚，其他瀑布好少咁，有機會會再嚟，早啲到，影多啲相
因為唔想再行頭先的泥濘路，我哋選擇行村莊回停車場，村莊路係石仔路，又冇不停影相，一小時返回停車場，全程差唔多3小時
19:19回到人停車場
一落機行程不停，辛格韋特勒國家公園、Bruarfoss Waterfall，第一日就行到筋疲力盡！
19:47到Sel Guesthouse，呢間主樓係餐廳、廚房，要出返大路再泊房間嗰邊
一開房門係廁所，咁得意
冇浴簾嘅！呢間民宿只可以情侶住，朋友的話好唔方便
房間夠大
房間有另一個門口，原來呢個先係正門，呢度冇光害，影極光打開門口就可以，但呢晚極攰，浪費咗設計
民宿食晚餐，麵包同麵包醬都幾好食
老公叫咗啤酒，我哋就要茶
一碟係炒什菜(估唔到冰島會有炒菜)
另外一碟係壓扁薯仔半煎炸
主菜係奶油鱈魚，但好淡冇乜味，浪費咗材料，好大碟，食唔晒
甜品係刨冰🍧(好似係咖啡味)，冰好幼細輕漂漂入口即溶，又唔甜，好好味😋
呢餐最好食係鴨肉沙律、同甜品 ，份量夠大味道OK
好多遊客玩完黃金圈會住塞爾福斯小鎮Selfoss，我就因為天日去雙子星瀑布Haifoss(冰島第三高瀑布)，所以住Skálholt附近嘅呢間民宿～Sel Guesthouse
好在冇住Selfoss小鎮，因黃金圈今日未有完成，天日去間歇泉Geysir、黃金瀑布Gullfoss會較近，不過⋯天日要放棄去雙子星瀑布Haifoss！
沒有留言:
張貼留言