菁英遊輪新月號 Celebrity Cruises Eclipse

菁英遊輪新月號Celebrity Cruises Eclipse，122,000噸，載客量2,850

菁英遊輪口號係Modern Luxury，應該比上次坐的MSC地中海遊輪好

(MSC係第一次坐遊輪，其實我都幾滿意)，報名後睇Celebrity網上評語，食物質素唔錯，好期待 (遊輪食物質素梗係好重要)

房間裝修簡潔，我覺得MSC靚啲，比較Grand

衣櫃內冇抽櫃，抽櫃在吧枱下面，唔方便

我哋嘅露台比其他露台房大(之後參觀過其他船友的房，呢間露台係大啲)，因為今次樓房係露台房中最低層，所以比較大，但視野唔好情願住高啲

救生艇就在側面下面，景觀差

廁所就比MSC好，夠多位置放什物

同 Housekeeper講想要暖水壺，比咗個水煲，咁醒目，當然要醒佢Tips

每晚執完房都有粒Celebrity的朱古力

呢日枕頭擺位有啲唔同，但呢個Housekeeper變化唔多，乾淨就得，細妹話比佢嗰個好好多

去旅行成日都覺得酒店枕頭唔舒服，今次住十三晚，特別買咗個旅行枕頭，真係好瞓啲haha⋯正！老公話今次Celebrity嘅枕頭唔差，但⋯一定唔夠我個私家枕頭咁好囉！

細妹的內倉房，床上的櫃都可以放什物

一個人住，感覺重比我哋間房重寬敞，應該係一樣大，因為冇咗梳化

室外泳池，好細

室內泳池都細


室內外泳池都唔多人游水

室內泳池邊的吊床

瞓上去Hea，一流

呢個位我覺得都唔錯

每層都有指示牌

10樓的圖書館，9樓的Card Room

落船前一兩日，圖書館多咗聖誕樹🎄


就到聖誕節，周圍都有佈置


健身室比MSC大，又唔多人，去幾次都有位

呢個好似係 Sky Lounge，晚上有現場樂隊

唔叫飲品都可以坐

呢度靜靜哋睇書，外國人幾識嘆

好好Hea，但好少嚟呢度

遊輪夜景

上次MSC的按摩浴池好多人

Celebrity的試過獨自一人浸

有冇發覺呢隻船好似好少人，好似唔滿咁，室外設施又冇乜人用，係錯覺嚟，室內多人好多

賭場

去到劇場就知多人，當時未坐滿

每晚二場7點及9點的Show，6點食晚餐，多數都趕唔切7點場次，遲咗冇位就企後排或者坐吧枱

劇場分兩層，下層重有飲品部

呢日Sea Day中午嘅表演最好睇

以睇Show計，MSC就好過Celebrity好多，好多

Show都好悶，在門口望吓就走

睇其他人跳舞重好過睇Show，如果當晚音樂啱聽，幾熱鬧

有一對跳得好好，每晚著到好隆重，晚晚睇佢哋跳，好似表演咁

不過有跳舞嘅船友話，樂隊有時揀嘅歌唔啱跳舞，有個女仔又唱得唔係幾好(好多船友都係咁講）

不過舞池就細啲

呢日Sea Day，泳池都唔多人游水，池邊曬太陽人比較多

呢個位好正，好多時都有人坐

等到晚黑先有位坐

甲板的吸煙位

商店街

遊輪最重要之一～當然係食物

Oceanview Cafe～自助餐廳

上船當日3點幾去到餐廳

部分位置已封，人唔多，只有部分檔口有嘢食

沙律吧就全日都有



Celebrity遊輪同MSC唔同，自助餐一過用餐時間，如Breakfast Buffet係07:00-10:00，Lunch Buffet 12:00-14:30，Dinner Buffet 18:00-21:30，其餘時間部分檔口會封，冇咁多嘢食


飲品24小時，10:00-11:30係Late Breakfast，Afternoom Tea 16:00-17:00

不過遊輪梗係唔會餓親，可能自助餐廳過咗主要用餐時間比較少嘢食，重有幾個位置都有免費食物


自助餐廳在早餐時間及Sea Day會好多人，晚餐時間都唔會太多人，外國人多數去主餐廳食

咖啡☕️茶自助式

水機標誌話唔好裝水，我房有水煲，唔使裝水

比MSC大方，雪糕🍦任食，正

甜品都多款式，大部分普通，只有過別好食

Deck 5的Cafe al Bacio Gelateria，後來發現有好多人拎甜品走，原來坐低飲咖啡先要比錢，甜品可拎走，甜品比自助餐廳嘅好食啲

拎去自助餐廳慢慢嘆

唔使錢一樣咁好享受

好多時食完晚餐再去自助餐廳坐吓，飲杯咖啡或者食雪糕，啱食嘅會再食，老公同細妹二個胃口相當好

之前覺得MSC牛扒都唔錯，Celebrity應該更好，估唔到嘅係⋯自助餐廳嘅牛扒都好唔錯，

食物嘅質素真係比MSC高

晚餐主餐廳都有同樣嘅牛扒Grilled New York Sirloin Steak，但主餐廳梗係食自助餐廳冇嘅食物啦，食完再去自助餐廳食牛扒

自助餐廳室外位置

 呢度記得係15樓嘅 Sunset Bar，有漢堡包🍔同薯條食，但一次都冇食過

我鍾意食泳池旁的Pool Bar的輕食

早餐同午餐之間供應

最鍾意食呢二種，好食

遊輪真係食到冇停口

竟然一次都冇食軟雪糕🍦！因太忙太多嘢食

主餐廳～Moonlight Sonata

我哋坐四人枱，唔會好似MSC咁要搭枱，每枱都有麵包，我哋好少食，唔想浪費，之後同Waiter講唔要

每枱都有3個服務生，負責我哋枱Waiter係Eladio，危地馬拉人，Assistant係另一個，毛里求斯人，但唔知點解二個名都係Eladio，侍酒師係Brandon，老公只係飲過一次啤酒🍻

遊輪梗係賣飲品賺錢，我同細妹都唔飲酒，汽水🥤又一般(買咗唔飲好蝕，飲得多又肥，已經每日食好多)，所以冇買飲品券

除咗雪糕任食，Celebrity真係大方，晚餐時可以要冰水或熱水，重可以加檸檬，同Assistant Waiter講過一次，之後每晚枱上都有熱水及檸檬


上次MSC我哋有飲品券，但冇熱水，Celebrity服務真係好好多

Waiter Eladio 個人幾搞笑，送食物時如果食物特別啲，會配音⋯嘩⋯哈，而Assistant負責水同麵包，係毛里求斯人🇲🇺

餐牌上都可以任食，記得上次MSC係唔得

Waiter Eladio每晚都會有建議邊一款好食，有時前菜會食多一款

沙律🥗自助餐都會有，但主餐廳係靚啲

呢個據說好好食，我嗰日唔舒服冇食到😭

焗帶子好味

呢個三文魚都好味

湯有心思在上面加泡沫

龍蝦湯好飲

第一晚船上晚餐 Aged Prime Rib of Beef，真係相當驚喜，肉味濃，軟嫩多汁，7成剛剛好，正！

一晚食羊，好食

Celebrity's Signature Beef Tournedo，果然係招牌菜，好味

期待已久的龍蝦，鮮甜，有龍蝦食重想點

主菜食完覺得唔夠可再點，Waiter入廚房攞，當然二個Waiter的Tips必不可少，你食得開心，佢又開心，大家開心


MSC只可選甜品或雪糕，Celebrity兩樣都可點，Dessert每日唔同，Classic係每日一樣，雪糕每日口味唔同，重有Low Fat Frozen Yogurt

甜品比自助餐廳的精緻

焦糖燉蛋

燉蛋及New York Cheese Cake每晚都有，Cheese Cake都幾好食，但食咗一次咋，因每晚都想試新嘢，可恨自己個胃太細

雪糕蛋糕🍰好食

朱古力蛋糕加雪糕⋯肥死

自助餐廳雪糕任食，但老公都會點雪糕食

有時雪芭味道會特別啲，自助餐廳係冇

上次MSC比較鍾意去主餐廳食早餐，因為有Eggs Benedict及煙三文魚，Celebrity的自助餐廳各式各樣蛋都有

第一日Sea Day去主餐廳食早餐


太大份，好辛苦要老公幫口先食咗大半，之後都冇去主餐廳食早餐

自助餐廳早上係最多人

炒蛋、太陽蛋

重有Eggs Benedict

奄列可自選材料，嗰塊燒唔知咩肉幾好食(應該係燒豬），幾乎每日都食

想清啲可食水煮蛋

每日食大量生果

每次上船前都有飲品，如果天氣凍，會有熱飲，幾細心

Celebrity的服務、食物各樣都勝過MSC，上次MSC係第一次坐遊輪，其實都幾滿意，不過⋯今次更滿意！

Celebrity最差嘅係Show，好多場都幾悶！睇Show就唔夠MSC好睇

而今次Celebrity大部分乘客係外國人，年紀都幾大，唔會太過吵鬧、唔守規距，我哋算係年紀輕了，所以好多都唔多人用，而MSC乘客較多係一家大細，我哋幾怕小朋友的噪音，周圍設施都多人

總括來講，下次有機會，首選會揀Celebrity。