2015年月26日
09:15食早餐,都幾多嘢食,但老公話冇乜嘢食又唔好味,可能天氣太熱,老公冇乜胃口
10:54小祿站,唔係落雨,由冷氣車廂行出嚟,濕氣
行AEON同Best電器,兩間冇乜嘢睇,加上冇乜心機行,一陣就走
如果有胃口,小祿站可幾去食通堂拉麵,朋友J話個湯好味,但天氣咁熱,老公唔想食
11:54 單軌幾可愛
都有行呢間藥店同100Yen店,100Yen店好細,同北海道冇得比
去牧志站行國際通
12:07 入Calbee買咗2盒薯條,即炸薯條因為天氣熱唔想食
入平和通行
食杯鹽味雪糕,試過大部份鹽,老公最鍾意Wasabi鹽,買咗一樽
12:42花笠食堂,好多人會去,但好口啤麻麻
中間有張椅,坐低睇吓而家位置,點樣行去第一牧志公設市場,跟住有個叔叔由舖頭行出嚟,問我哋想去邊,原來我哋坐喺"那霸市觀光資詢處"對面,叔叔見我哋睇地圖就出嚟,講咗想去牧志市場,叔叔叫我哋入舖,攞個iPad出嚟,原來佢打去中心,即刻搵個講國語嘅人,講比我哋知點去
呢個服務好方便,但其實叔叔個位置轉
灣就係牧志市場,叔叔指一指就得,旨在比我哋知有咁嘅服務
12:50 第一牧志公設市場
市場內都未行夠一個圈,老公隨口問咗一間店,店員係台灣人,係咁介紹,老公唔好意思走,揀咗一盒刺身同帶子¥500,重有一隻蝦
店員話我哋買得一隻蝦,加工費唔抵,如果買多2樣每人加工費¥600,但我真係揀唔到,魚又唔係游水嘅
店員話上樓問吓可唔可以平D,就帶我哋去--"燕食堂",其實燕食堂當時好多人,去其他店都得㗎
當然⋯我知道燕食堂係台灣人開,店員係台灣人,梗係帶我哋去燕食堂啦
13:05刺身¥1000,帶子¥500,都唔錯
炆豬手¥900,相對好貴,諗住沖繩豬出名咪試吓囉,味道就OK,老公話太"淋",我就覺得豬手好多毛,"桔"口,好難食,真係又貴又難食,食多盒刺身好過,苦瓜好苦,我只食咗一件
諗住加咗少少嘢,加工費會平D,但燒蝦都係¥300/人,買蝦¥1000,即¥1600一隻蝦,
蝦好大隻,但唔夠上次沙巴食咁大隻,幾鮮甜爽口,但燒得唔夠香口惹味
蝦膏算多
加工費、一杯啤、二個餸¥2550,買刺身帶子等共¥2500
13:50頭先都未行晒牧志市場,想買漬物,但搵唔到想買嗰隻!
出返去,行國際通
我同老公都覺得國際通有D似墾丁大街,尤其招牌
御菓子御殿
老公去對面舖睇玩具
行去縣廳前站,諗住再去新都心行,上咗車,有冷氣,坐坐吓,唔想咁快落車,老公話不如坐到總站首里,涼吓冷氣,好,真係好熱
差唔多到首里,老公話張一日票4點多夠鐘,不如行埋去首里城,行去門口影一影相,再回頭去新都心都夠時間,咁天日唔使去首里城
(喺機場攞咗首里城地圖,但諗住天日開車去,所以今日冇帶,如果有帶,睇清楚要行咁遠,一定唔會行)
老公話唔係好遠,今日又冇乜行程(其實天日開車去唔使行咁遠),好啦,行吓啦
行咗一陣,經過側門,封咗,如果比入會快好多,繼續行,熱到要入Lawson涼一涼,買嘢飲,連我都成身濕晒,唔行,好辛苦,返轉頭
老公話其實只係行咗十幾分鐘喎,係咩⋯好似行咗好耐咁,咁熱,去邊都冇興趣
15:20紅色屋頂就係首里城,好像兜圈咁,行極都行唔到(搞到第6日開車有時間都唔想去)
16:06 又去Duty Free,涼吓冷氣先
16:30 去到Main Place,重係好熱,食雪糕
行咗AEON、Best、Yamada,都係Main Place水壺最平,所以返嚟買,夠1萬Yen重可以退稅
老公話噖晚唔夠時間睇高達模型,再去Yamada睇,我就睇吓日用品
睇地圖,今晚晚餐-"燒肉華"在美榮橋同縣廳前兩個站中間,而家喺Yamada行去新都心站要10幾分鐘,去到美榮橋落車,又要行10分鐘左右,老公話不如直接行去餐廳啦,大約30分鐘就到,又行?!
搭車都要行20分鐘,只係行多10分鐘,好啦,而家太陽冇咁猛烈,冇日頭咁曬,慳返幾百Yen夠食杯雪糕
真係行咗半個鐘,好順利就到咗燒肉華やきにく華
18:47我喺網上訂位,職員問返我邊日訂位!⋯等一陣先入得
有中文,因為今日生日,所以就食最貴個餐
2杯飲品係沖繩旅遊人網站印嘅優惠劵
加碟 Agu-黑豬併盤¥3500
每次上菜,店員都有指住餐牌講係咩肉,但已經唔記喇
豬都幾好味,但真係太肥
呢個好好食
都係好好食
呢件係厚切牛舌,好好食
冇咁肥,但肉味濃
牛腹肉,雖然唔係太肥,但好有肉味
老公驚唔夠飽,加個飯,都幾大碗,蛋好滑,幾好味
久米島鳳尾蝦,蝦新鮮,但冇驚喜
冷麵好煙韌,酸酸哋,好開胃,正
呢餐¥21160,生日飯,差唔多啦,好在Yen平
之前食過敘敘苑燒肉覺得好食,新都心有分店,今日原本都想再去食,但嚟到沖繩,當然想食出名嘅石垣牛啦,而敘敘苑只係食日本牛,所以揀咗呢間日本食評網都幾高分嘅-燒肉華
老公話係好食過敘敘苑,係就係,但敘敘苑平少少,而且飽D,其實2間都好食
(上次食敘敘苑,老公怕肥,比我食多D肥,今日生日,老公都冇讓多D比我食,梗係覺得好好食先唔記得啦-_-")
雖然唔算好飽,都幾"漏",梗係啦,食咗咁多肥膏落肚,所以⋯老公又話行,OK,晚黑有風,消化吓都好嘅
再食雪糕降火,食燒肉咁熱氣
今日 Main Place 買嘅,象印冇晒,老公買咗Thermos
卡樂B專門店買Jagabee¥580/2盒,好唔抵,之後喺國際通激安平好多
Main Place買嘅裙,噖日都見到,雖然而家好少著裙,但今日重有掛住,又好平,只係¥1480,忍唔住買咗
每次上菜,店員都有指住餐牌講係咩肉,但已經唔記喇
豬都幾好味,但真係太肥
呢個好好食
都係好好食
呢件係厚切牛舌,好好食
冇咁肥,但肉味濃
牛腹肉,雖然唔係太肥,但好有肉味
老公驚唔夠飽,加個飯,都幾大碗,蛋好滑,幾好味
久米島鳳尾蝦,蝦新鮮,但冇驚喜
呢餐¥21160,生日飯,差唔多啦,好在Yen平
之前食過敘敘苑燒肉覺得好食,新都心有分店,今日原本都想再去食,但嚟到沖繩,當然想食出名嘅石垣牛啦,而敘敘苑只係食日本牛,所以揀咗呢間日本食評網都幾高分嘅-燒肉華
老公話係好食過敘敘苑,係就係,但敘敘苑平少少,而且飽D,其實2間都好食
(上次食敘敘苑,老公怕肥,比我食多D肥,今日生日,老公都冇讓多D比我食,梗係覺得好好食先唔記得啦-_-")
雖然唔算好飽,都幾"漏",梗係啦,食咗咁多肥膏落肚,所以⋯老公又話行,OK,晚黑有風,消化吓都好嘅
再食雪糕降火,食燒肉咁熱氣
今日 Main Place 買嘅,象印冇晒,老公買咗Thermos
卡樂B專門店買Jagabee¥580/2盒,好唔抵,之後喺國際通激安平好多
Main Place買嘅裙,噖日都見到,雖然而家好少著裙,但今日重有掛住,又好平,只係¥1480,忍唔住買咗
6月已經咁熱,睇黎都要秋天去好啲,又可以避咗打風.
回覆刪除下次一定唔會夏天去沖繩,真係好熱,加上好潮濕,不過夜晚就好D,好大風,雖然風都係熱
刪除10月去應該都玩到水上活動,又唔會太熱
我 7月去過, 架車冷氣開到最大都唔夠, 日間係感覺個人一路溶緊.....
刪除Athens 40幾度都唔覺咁熱.
歐洲熱得嚟乾爽,沖繩係又濕又熱⋯難頂!
刪除