LANLAN TRAVEL: Day 1 .2 －奧地利～維也納聖史蒂芬大教堂、Slam Brau 晚餐

Hong Kong → Munich → Melk Abbey/Stift Melk 梅爾克修道院 → 維也納Vienna → 聖史蒂芬大教堂St. Stephen’s Cathedral

16:07到維也納，塞車

架車泊酒店地停下車場，€30/2日，好貴，不過都冇計

行程原本第一去哈爾施塔特Hallstatt4月1號住一晚，第二日維也納住一晚，維也納一晚當然唔夠，當初Plan行程，諗住係到一到，過境性質，反正去匈牙利都會經過，住哈爾施塔特一晚，係因為上次去過，但住唔到，想影朝早湖景，但老公睇咗美泉宮嘅相後，要去，咁就要加多一晚維也納，將哈爾施塔特調去後面，點知哈爾施塔特民宿已滿，今次都住唔到

維也納想加多一晚4月1號，當時離出發約一個月，酒店加晒價(因為復活節假前)，見到今晚住呢間4月1號特價，但2號係1號雙倍，唯有2號住原本已訂酒店，住2晚都轉酒店，唉⋯

但係⋯當然唔會就咁放棄，日日上網睇住有冇特價，訂咗呢間酒店後，酒店email資訊比我，我問酒店可唔可以同價錢住多一晚，酒店梗係話No啦，重話間酒店好方便，行10分鐘到霍夫堡等等，有rich buffet breakfast，住2號晚要€119，即網上價

算！€119/晚情轉願酒店！最後⋯皇天不負有心人！出發前約2星期，呢間1-2號都特價，即訂，2晚都唔使€119，真係海鮮價，咁唔使轉酒店，雖然比原先酒店貴咗少少，但呢間方便D，可以行30分鐘到舊城

呢間酒店係－Kolping Wien，係幾方便，早餐都唔錯，但職員態度好麻麻，上網每部機一個密碼，我今次冇帶iPad，但老公有帶Mini，重有2部電話呢，而且每日轉密碼，好煩

17:00 放低行李就出去行

酒店行出大街就係中央市場Naschmarkt

呢間海鮮專門店德國、奧地利有好多分店，上次喺慕尼黑食過，細妹當時在德北，話好平，睇完又唔覺得平

17:25 行行吓落雪，今日好天落雨落雪好天落雪唔知幾多次

加上好大風，凍到震

諗住行去霍夫堡，之後行去聖史蒂芬教堂，但大風落雨雪，行到亂晒

國家歌劇院

呢度唔知係邊度，見到有建築物就行，又懶攞電話GPS睇，因為隻手好凍，出發前睇過天氣，都有10度左右，冇諗過咁凍，手套都冇帶，失策

17:56在離遠都見到聖史蒂芬教堂個尖頂，亂行都去到

又有少少藍天

紅色黑色袍嘅人係賣歌劇院門票，冇興趣聽，周圍行吓重好，睇D袍就知幾大風，點解City都咁大風？

維也納好多馬車

周圍行，見到D人望個報時鐘，又望吓

鼠疫紀念柱

18:36 去搵今晚晚餐地點－Ribs of vienna，當時未餓，再行吓先

聖史蒂芬教堂另一邊

又行返去鼠疫紀念柱

附近係Karntner Strasse 及 Garben格拉本大街，好多名店

7點，再去Ribs of Vienna 食晚餐

但Staff話要8點半先可能有位，哎⋯頭先到門口應該落嚟睇吓先，呢間網上咁出名，餐廳唔大，實要等位啦，今晚想早D休息，咁我哋唯有訂天晚食

附近都唔知食乜好，老公問我原本天晚諗住食乜，我話都係Ribs，但諗住搭車或者開車去，將地址入落GPS，落去地鐵站睇吓車站地圖，老公話行去都得，半個鐘多D，搭車去都要行，唔係太近地鐵站，因為諗住唔買一日票，所以就決定行去

其實就唔係太遠，但我坐飛機時個膝頭舊患覺得緊緊地，好幾年冇痛，行完呢程，膝頭痛到而家都未好返，重要腳踝磨損咗，歐洲天氣真係好乾，又冇帶厚襪⋯⋯失策

行去Slam Brau餐廳(位置其實在貝維德雷宮Schloss Belvedere附近)，沿路行人唔多，冇乜商店，但兩旁建築物好靚好整潔，不過當時掛住行，冇影相

19:49 馬車收工，就呢條路行前少少就到