Day 12. 1 - Dolomiti．風景如畫的San Pietro

16:02沿路車上影，山谷村落，瑞士Feel，靚

今日因爲去到 Passo Sella三指山太大風冇行到山，今日時間好似多咗，而呢個時間返民宿又好似早咗少少，諗住有時間去埋San Pietro，咁之後2日行程會悠閒啲，但我唔記得咗剛才Passo Sella 等跑車隊經過，及又行錯咗一段回頭路，其實都唔係好多時間淨


16:50到St.Pietro，位於Dolomiti的Funes富內斯，呢程唔記得邊位司機，泊車泊到剛剛好，高超，差啲撞花架車

St.Peter即San Pietro，小鎮睇多洛米蒂連綿山峰⛰️位置幾出名

法國建築師稱Dolomiti係--世界最完美的天然建築

綠草山坡村落＋奇特山型，靚，呢幾日去的Dolomiti地方，最鍾意San Pierto

食草羊群

呢度睇，Dolomiti不愧為～白雲石山

全景相

17:05山區小鎮好悠閒，對面的超市冇開門

去教堂，旁邊有個墳場，外國的墳場環境清幽，一啲都唔恐怖


17:16細妹鍾意入教堂

山區小鎮的教堂都好靚

 二個行山人仕，而家先行山❓當時以為好遲，後尾知道Dolomiti唔少龍友為咗影相，半夜上山都有

附近民居好多蘋果樹，掉咗落地下

未見過咁細嘅蘋果，好可愛

17:29景色一流，呢啲先真係心曠神怡

17:30時間唔早，要走


一入GPS，發現返民宿要2小時，老公即刻話我唔睇住時間，係我錯，應該諗到山區小路唔開得快，要預多啲時間先啱！又要晚黑行山路！我係想由SanPietro經Ortisei回Alleghe，但GPS帶行山上小路，行另一邊山路，時間差不多，咁就算了，跟GPS，但呢條山路好靚，如果早啲到就好

17:46呢個時間冇太陽，比較暗

見到靚都係忍唔住要停車影一影相

18:01山上小路，見有太陽光，又停車

停車後，見到有對廣州中年夫婦，到咗Dolomiti幾日了，佢哋Set好腳架影等日落🌄、想影火燒雲，重比相我哋睇，我哋影幾張相就走，冇時間影日落，佢哋繼續等火燒雲



到San Pietro，除咗景色靚之外，重有出名的孤獨小教堂⛪️ ～Kirche St. Johann in Ranui

但出發前好忙，將地點St. Magdalena同Santa(St.) Maddalena搞亂咗(差少少好易錯)，記低在Santa Maddalena(係自己Mark錯位置)，去到San Pietro都唔肯定孤獨的小教堂係咪在附近，當時時間唔早，冇特登去揾，亦冇同團友提起，唔知就冇遺憾，我亦學識旅行有時要隨意，今次去唔到，下次就有藉口再去，反正我發覺我哋成日重遊地方

返到香港，放大張相先睇到，原來影到我想去嘅孤獨的小教堂

相中心形指住就係Kirche St. Johann in Ranui～孤獨小教堂，相中唔止有小教堂，重有五指山

下次有機會一定再嚟San Pietro，行入山坡草地，影小教堂，好鍾意呢度風景，終於明白點解朋友呢幾次去歐洲都會留幾日Dolomiti

最近睇蘋果日報，有龍友影山區嘅相好靚，山景好熟面口，原來係Dolomiti，影相位置、角度都好好，不過人哋係夜晚上山影，影星空、日出，留咗好多日揾位置、等天氣好，相信我哋冇咁毅力，只好欣賞人哋嘅作品--

18:01呢張Iphone 影，都唔算太差

架車泊在民居旁

18:06影完呢張真係要開車走

今日So Sorry，冇諗到山區小路唔開得快，累2位司機黑夜開車，因為意大利山區，夜晚街燈⋯係冇嘅，幾傷神，但有少少意外係，我哋見到鹿，野生的鹿

返到Alleghe，過咗8點，附近間大超市都閂咗門，唯有煮中午在Ortisei超市買的少少食物

9點先食晚餐，晚餐有點可憐，好彩係噖晚個羅宋湯好大煲，牛肉都唔少，今晚就清吓腸胃

噖日煲湯淨低嘅薯仔，諗住焗嚟食，樣都唔錯，但其實唔「淋」，冇食到

重有月餅做宵夜