2017年9月9日 星期六

Day 10 - 波扎諾市中心、佛羅倫斯T骨牛扒

2016年12月25日 星期日

Bolzano波扎諾→Florence

08:32 呢Stadt Hotel早餐好多嘢食



噖晚晚餐食過餐廳嘅麵包,都知呢度麵包好食

 生果新鮮又多種類

士多啤梨好食,食咗2碟,正

呢間Stadt Hotel早餐係全程最好,但噖日慕尼黑酒店都幾多嘢食,加上有慕尼黑白香腸,2間打和

大堂唔大,下午有免費茶點

食早餐晚餐都係呢間餐廳

09:26房有2支免費水,好似係雪山礦泉水

10:01 食完早餐,去附近行吓

可能好多餐廳冇開,酒店Cafe算多客人



Bolzano呢個聖誕市集佈置冇德國市集咁有心思



鞋款式都唔錯,都唔算太貴



聖誕日早上,街上當然冇乜人

呢個建築物每個窗都有唔同相





行出呢度應該出咗ZTL



呢度都有中國餐廳

花檔有開

超市休息

間中都有間商店有開門

10:38行到返酒店

再望望呢個令我哋遺憾嘅聖誕市集

Bolzano近Dolomiti山區,亦有其他景點,但我哋到呢度只係想去聖誕市集,行程冇預太多時間逗留,到此一遊

11:12 離開Bolzano


今日要開長程車,由Bolzano波扎諾去Florence佛羅倫斯,362公里 3:50

13:07 到一個休息站停一停

13:33 想揾自助洗車,但沿路見唔到,老公唯有自已洗,係咁而抺吓表面嘅塵,用AdBleu個樽裝水,都洗咗大半個鐘

15:02由Bolzano到Florence,高速公路費26.1,真貴

15:11 Florence 入油比高速公路油站平,但比德國、奧地利貴

佛羅倫斯同其他意大利城市一樣,有ZTL問題,所以唔住市中心,住遠少少,可免費泊車,住2晚

15:33 酒店地牢停車場泊好車上大堂,經過洗衣房

Hilton Garden Inn 酒店大堂



房間夠大


公園㬌

露台都夠大,但好簡單,唔夠舒適,不過我哋都唔會出去坐





朋友1個多月前住過呢間酒店,係坐巴士去舊城,可以在酒店買巴士票,我哋去大堂買巴士票,點知Staff話今日冇巴士!嚇⋯冇巴士⋯雖然今日係25號聖誕日,但公共巴士都會唔開⋯⋯?!哇⋯真係估唔到! 


Staff話去舊城可以坐幫我哋叫Taxi,Taxi咁貴,No la,其他選擇可以坐火車,老公睇App地圖,行去火車站都唔近,不如行出去,Staff話行去好遠喎,老公話半個鐘啫,心諗外國人開慣車,我哋去旅行成日都行,應該唔太遠嘅

酒店聖誕裝飾


16:10 離開酒店

廸卡儂DECATHLON,外國運動用品専門店,呢幾年去中山食脆肉鯇魚,都會去買吓嘢,好大間好好行,到打呢篇時,香港都有分店,但香港土地問題,梗係冇外國咁大間,呢間今日冇開,有開都唔行,想早啲去舊城

酒店附近整路,兜遠咗,老公話要行耐啲

16:27 日落

呢段路唔好行,好多行馬路邊,有時又行錯行多咗,行咗好耐都未到舊城,我件䄛重中咗雀屎!

16:59 就到舊城,見到ZTL牌前有停車場,暈!!!激死我哋!

€1.6/小時⋯早知就開車啦,比幾歐唔使行咁耐

職員又唔講,我哋又唔醒起,見到呢個停車場,諗起Bolzano都係ZTL前有停車場,下次如果再去意大利自駕,住得遠都唔怕冇公共交通去市中心,大City前的ZTL,應該都有停車場

由酒店Hilton Garden Inn行去佛羅倫斯舊城區,行咗一個鐘,比老公講半個鐘多,加上發現原來舊城前有停車場,行咗好多冤枉路!

今日原本想黃昏前到舊城,去1、2個景點,天日唔使咁趕,而家嚟到天都黑晒,唯有去食晚餐

早知今日公共巴士休息,早知ZTL前有停車場,應該一到佛羅倫斯就泊車喺ZTL前停車場,今日好天,應該見到日落,搞到今日乜行程都冇

不過老公成日話將行李放喺車唔安全,「早知」⋯都係只可以行少啲冤枉路,真係千金難買有「早知」!


17:19  市中心得零星店舖有開

到佛羅倫斯,當然食T骨牛扒~Trattoria ZAZA,之前唔記得上網訂位,基於噖晚差啲冇晚餐食,今日假期,叫職員Check吓,真係休息(之前上網話年中冇休),職員介紹咗2間餐廳比我哋,但冇去

不過唔死心,去ZAZA睇,今日真係唔開,行咗一陣,揾咗一間

17:58 傳說中的T骨牛扒,好大

叫多一個沙律,咁簡單€7,好流好差

開餐

T骨牛扒比較熟,我覺得「鞋」咗少少,老公唔鍾意生,覺得唔錯

比較生嘅我食,味道唔錯,不過有筋

牛扒大,近骨位置真係幾紅

除咗噖日奧地利邊境麥記食嘅Tiramisu,餐廳之中呢間最平,但都係最唔好食,不過意大利食Tiramisu,差極有個譜

呢餐€59.50

T骨牛扒冇傳說中咁神,但都有好牛味,唔錯

餐廳門口凍櫃

19:01 餐廳有Tripadvisor標誌

餐廳~Osteria All'Antico Antico Mercato

食飽,行去火車站,圍都好靜,充滿外國節日氣氛⋯⋯靜

火車站前的 Cappella Del S.S Sacramento

19:11 唔會再行一個鐘返酒店,搭火車

意大利搭火車月台唔識睇,每次都要問人

我哋只係搭一個站€1.5

落火車後行返酒店都唔近,又靜,好彩冇賊仔

舊城都靜,何況酒店附近

當我哋喺房休息時,突然有人拍門,好奇怪點解有人泊門?開門係一個外國女人,問我哋係咪帶咗隻狗入房?吓⋯!知道外國係有酒店民宿可以帶寵物入住,但我哋當然冇帶寵物,亦都唔知呢間Hilton可以帶喎⋯佢話覺得好嘈,重問我哋聽唔聽到?我哋真係聽唔到,當時都換咗衫上床休息,唔方便比佢入嚟睇清楚我哋係冇帶寵物

佢走咗之後,開露台聽吓有冇狗吠聲,又聽唔到⋯⋯奇怪

後尾諗諗吓--係我哋咳嗽嘅聲,早幾日我哋唔舒服,呢幾日有咳嗽,尤其係老公,咳到好大聲,隔住牆,可能似狗吠啦,如果唔係都諗唔到其他,但呢間係Hilton,話晒都係大酒店,隔音咁差?之後,再咳,我哋都用張被撳住先咳,費事再比人投訴!

有帶平安藥,唯獨冇帶咳藥水,唉!




6 則留言:

  1. 我覺得你地好大膽夜媽媽喺意大利街上行,唔知係咪聽住喺米蘭既姑仔講得多,成日覺得治安好差因為佢地好少夜晚出街。

    回覆刪除
    回覆
    1. 米蘭喺意大利應該算治安較好,意南就真係差,最怕持刀行劫嘅賊,小偷唯有小心提防
      老公算係有安全意識嘅人,留意附近行人距離,佢話可以行就行,搭Taxi都怕個司機唔知咩人!

      刪除
  2. 點解成日都係咁架.............
    Hilton Garden Inn 行去 center, 4km!!! 正常都唔會用腳行, 你 book 酒店時都要 plan 好依間酒店點過去教堂嗰邊吖. 如果決定行, 最起碼事前都要在 Google Map 睇吓環境先. 再講, 有車, 點都兜過去睇吓咩環境先啦, 大不了回頭返酒店. 我又唔信中途啲街無得泊.

    真係唔好成日都比機會自己再去先得架..... 我都好少會留言寫咁多字.....

    BTW, Bolzano 酒店嗰啲係水喉水嚟架咋.....

    回覆刪除
    回覆
    1. 嘻嘻,我都係咁成日plan野都唔記得用腦!

      刪除
    2. 我又唔係達人,睇開都知我成日甩轆,上文有講朋友之前住過呢間Hilton,係坐巴士去舊城,我一心諗住都係坐巴士,冇諗過聖誕日會冇公共巴士,GoogleMap同老公個App都話行出去35分鐘差唔多3公里,半個鐘我覺得係OK嘅,另外,朋友在Bolzano入咗ZTL,好怕開車入咗ZTL,City嘅路唔係你話掉頭就掉頭,罰款咁貴唔想咁博,不過⋯當時亦冇諗到開車出去

      佛羅倫斯我同老公都係重遊,今次都幾失望,天色唔好,加上而家去多咗靚嘅地方,短期唔會再去

      Bolzano水喉水好好飲,清甜,飲晒,外國水喉有沉澱物,呢支冇!

      刪除
    3. 做人好矛盾, 越多蝦碌事件, 個 trip 先會特別難忘. 我自己最記得都係嗰啲 miss 咗 3個小時一班巴士呀, 兩個人流離深山呀之類......... XD

      刪除