第八日－返香港

2014年5月7日

08:34 食早餐，今日胃口一般

台中買嘅雞腳凍，怕又唔記得由雪櫃攞雞腳凍出嚟，一早寫定紙仔貼喺電視機

Checkout 後去港記酥皇，牛軌糖換綠豆糕

去銀行換台幣，其實唔想換，怕好似台中機場收手續費，但真係唔係好夠，一品花雕雞噖晚上網睇好似唔收卡，諗住換少少啦，點知⋯只係收NT100，冇話2010年前港幣, 要每張收NT50，不過最多只可以換HK$3500，就換3500啦


有錢就唔同，去買手信，老公老闆話要李錦利八仙果，重要係原個嗰種，我都未聽過原個裝，老闆叫到，又換咗台
幣，點都要識做啦

李錦利只係第一次跟團去台灣買過，之後都冇諗起佢

原個要NT1000，好貴，樽裝係原個切粒，買吓買吓，買得最多係佢NT2340

龍山寺站搭車走，竟然冇喺附近行吓

重想換多D台幣，呢間個價重好D，但要等，都係冇換到

12:13 到一品花雕雞

想食花雕雞係因為十多年前去珠海玩，當時朋友帶去一間食花雕雞小店，好好食，我都老公都念念不忘，之後再去，揾唔到嗰間，食另一間，味道⋯梗係冇咁好 -_-"

上網睇一品花雕雞，介紹話老闆係珠海食過，所以引入台灣，所以就嚟食吓

想叫一隻雞，店員話好多，怕我哋食唔晒，套餐有半隻雞，重有其他嘢食同飲品，比較抵食喎，好啦，試吓其他都好


雞鍋入面已經有粿條

蒼蠅頭送飯一流，涼拌海帶都唔錯，但兩碟都食唔晒

跟餐送嘅芒果汁

好鍾意食腐竹，菜牌叫豆皮，索晒D汁，好好味，叫咗2碟，香港好難食到咁好食腐竹

豆皮菜牌個樣同網上睇有D唔同，店員拎比我睇，搞清楚先落單，服務唔錯



之前喺集集食飯，都見過大陸妹，究竟係咩菜？

大陸妹就係--生菜，問店員點解，佢都唔係好肯定，應該係大陸種，而種子又比較平

一品花雕雞都幾好味，但仍然搵唔到記憶中嘅味道，酒味唔夠香濃，但NT933，香港一定食唔到啦，抵食啦

食飽見到附近有間超市，入去行吓，有2層，又冇乜人，正，買咗少少嘢，14:10 搭捷運返酒店攞行李

攞完行李，再搭捷運，3:30到台北車站，其實可以搭巴士，但老公都係鍾意坐高鐵，2個人識睇中文，大安旨意，竟然排錯隊-_-"

坐18:20機，排錯隊已經遲咗D，諗住5場點前應該去到機場，都OK啦

點知，2個人一上車就瞓，到有人落車，老公問隔離，比張車飛佢睇，隔離話已經過咗站，吓  !!!
冇計啦，到新竹落車，再落大堂搵職員幫手，過去對面月台，再搭去桃園機場，要等成半個鐘先有車⋯唉，點解2個站⋯2個都要瞓，又多一個烏龍經驗

新竹站外建築物

去到高鐵桃園站，華航職員Checkin話我哋太遲，做唔到Checkin，叫我哋搭的士，冇得坐免費接駁巴士，頭先喺高鐵車上見到而家免費呀

比職員嚇親，即坐的士，個女司機問第一航廈，定第二，吓，唔知喎，去香港囉，司機問咁我哋到台北時係第一定第二航廈，我哋嚟時係飛台中喎，所以唔知，但係做司機唔係應該知嘅咩？

女司機就攞個表睇，佢睇完就話係⋯（而家唔記得係去咗第一定第二），重話再錯我哋就完蛋喎，唓⋯最多咪坐下一班機，的士坐咗NT300，肉痛，鬼叫2個都瞓覺咩

去到機場Checkin 後就即入閘，過關好多人，過完關，都夠鐘上機，老公想買酒都冇時間睇，即刻排隊上機

點知排隊上機搞好耐，應該係班機遲啦

19:13

食完飛機餐，空姐搵我，因為之前訂咗 LA MER，買免稅品有88 折，平過香港差唔多HK$600，好抵呀

SOFINA 喺中午間超市買，都好平，之後見到屈臣氏重平，不過冇晒貨