Day 3 - 遊輪第二日～Sea Day(巴塞隆拿→意大利)，遊輪上睇醫生後被禁足

2018年11月11日  星期日

06:50老公影日出，但多雲就冇乜好影

食早餐

7點的自助餐廳好少人，如果係MSC就已經好多強國大媽

07:26仍然多雲

太陽已經出來了

我同細妹起身後，大家再去主餐廳食早餐

08:23餐牌上的自助餐廳都有，只係自助餐廳好多人，主餐廳人少，座位又比較舒適

餐廳擺碟比較靚，多咗Cream同菜

呢碟上枱時嚇一跳，嘩⋯有叫咁多嘢咩❓

我同細妹都好努力⋯食

老公剛才在自助餐廳食咗早餐，所以而家食少少

唔想浪費，老公都有幫口食少少，但盡晒力

因為去主餐廳點早餐唔知份量，之後都係去自助餐食早餐，想食幾多自己控制


食完早餐參加活動～參觀中央廚房

10:38在主餐廳集合，我哋係第八組

11點開始，未係好多人

開始時大廚講解遊輪的食物

去睇甜品位置

工作人員切菜預備沙律

整好的甜品，比得你參觀廚房當然係好乾淨

示範菜式

呢間係日本餐廳，示範菜式係壽司🍣

唔同組別去唔同餐廳，我哋又去返噖日火警演習的特式餐廳，老公想試吓呢間，但我覺得Celebrity主餐廳已經好唔錯，唔使比錢去食，始終Cheap底改唔到哈😅

制作麵條

周圍行，去到健身室

好吸引，但食唔落，肚有啲唔舒服

12:16自助餐開始供應午餐

甜品好似唔錯

老公食少少甜品

12:52去主餐廳食午餐

重係舒服，午餐只點咗碟菜

老公食牛扒

未等老公同細妹食完午餐，我覺得想嘔，要返房，返到房即刻食喇叭牌，過一陣，又痾又嘔🤮

剛才覺得唔舒服，諗住係今朝食得太飽，個肚頂住頂住咁，但又痾又嘔🤮就唔係食得太飽嘅問題

其實噖晚瞓覺到半夜，個肚覺得唔舒服醒咗，又唔算係痛，只係覺得好似頂住咁，一陣就瞓返，到朝早起身覺得飽飽滯滯咁，但都重食得落早餐就冇理佢

到而家覺得係噖日中午食的獅蚶，當時覺得好鮮甜好好味，但老公同細妹一齊食點解都冇事❓應該係我食咗幾隻有啲唔熟，佢哋食嘅全部都熟

食嘅時候冇為意，都放入口咯，咪吞入肚囉，先知生定熟，又唔係隻隻都唔熟，諗住應該冇事，食魚生都係咁啦，不過⋯魚生又點同獅蚶呢！

之後開始肚痛，再食喇叭牌二次都係嘔咗出嚟，成個下午都離唔開個廁所！

今日病到懵懵吓，冇影到餐牌

呢個應該係蘑菇酥，佢哋都話好食，之後有再出現過，冇得食⋯恨！

龍蝦🦞湯，今日點解餐單咁正㗎！船友話Sea Day餐單通常會好啲，我飲咗2、3啖⋯雖然好想飲晒，但真係飲唔到⋯嗚⋯⋯！Waiter Eladio見我好似冇飲過咁，重問係咪唔好味，我話食完飯要去睇醫生

焗蝸牛～比較鹹⋯據說(當然唔係我食啦)

牛扒都唔錯，老公重飲啤酒添🍻，人哋唔舒服⋯，啤酒USD7.08

Pineapple Upside Down Cake～菠蘿酥

去到醫療站，先知診症時間係08:00-11:00，下午 4-7點，我哋去到19:30，已經冇人

醫療站打電話通知相關人員，話過一陣會有人到，坐低等

之後有個醫療人員係韓國女仔，問咗情況，比張表我填，要寫過去幾日食咗啲乜嘢，連香港出發前一日食過乜都要寫

睇醫生都係諗住比啲藥我食，止到痾嘔同肚痛就得，點知⋯⋯竟然⋯重要唔可以落船，連出房門都唔得，要禁足24小時！驚會傳染⋯噢！咁天日咪去唔到佛羅倫斯！

韓國女仔翻譯中文比我哋睇，有3隻藥

記得係比一日藥，因好快就食晒，支藥水都唔滿，就咁USD55.49，都幾貴，不過好有效，食咗藥2、3個鐘就冇肚痛

重有一大堆嘢唔食得，比我食都食唔落啦

之後怕我缺水，送咗2支飲品去房

20:53老公去咗睇Show，順便行吓

又去自助餐廳坐吓，唔知佢有冇食嘢喇

今次所有行程功課係我做，領隊唔舒服，大家都決定天日唔去佛羅倫斯，我同老公都去過佛羅倫斯，唔去冇所謂，但細妹未去過，其實老公應該可以帶到細妹去，不過老公同細妹可能覺得唔理病人走去玩唔係咁好，加上去佛羅倫都唔近，就決定唔去，我都有啲唔好意思，早知要禁足24小時，就早啲去睇醫生啦！起碼下午都可以落船在碼頭行吓！