2017年1月1日 星期日
有人出入的大木門就係我哋民宿入口，街上佈滿噖晚慶祝後垃圾
10:22 Check Out離開，古老大廈的升降機，好細
大廈天井位
離開
大廈外貌
10:32到停車場
竟然見到我哋之前架車！一模一樣，都係雙門，香港我都未撞見過，竟然在意大利見到！
呢架車揸咗成10年，出發前3個月才換咗BMW X1，對呢架車好有感情，靚靚留低唔少狗毛，亦令我鐘意坐高身車
唯一唔同係後備軚罩
10:53入油，呢個油站入咗€20後，老公入油箱，聽到聲出油，點知⋯一下聲之後就冇油出
呢個油站冇工作人員，又冇電話可以打，之後有人嚟入油，見到我哋咁嘅情況，又冇職員，都愛莫能助，唔入油就走咗
冇工作人員嘅油站之前都入過，點解會咁黑仔T_T⋯激死人！
明明入咗€20，但唔出油
之後去另一個油站入
12:10 去到休息站都唔食嘢，冇心機！
出高速公路，好多人到米蘭
13:17由五漁村去米蘭高速公路費要€21.7
到米蘭先去酒店Checkin放低行李，再去機場還車
酒店係～Glam Hotel，住2晚，好近中央車站，方便後日去機場
13:52架車泊在酒店附近街上，今日假期，唔使入錶
14:05呢間Glam Hotel每層樓唔同顏色
5樓係粉紅色
張床夠大，不過燈光較暗
房間同枱面唔夠大
浴室都夠大
14:13酒店入口
米蘭1年前坐郵輪時到過，附近街道重有印象，就去上次食過間餐廳
14:36 呢間教堂上次經過幾次
14:40 去到 Osteria del Lazzaretto，休息！重諗住華人開嘅餐廳今日唔會休息
家樂福都休息
14:52肚餓，見到有餐廳開就入去
小雲吞OK
老公又食Carbonara，今次行程食咗幾次，今日都係一樣，好杰好濃嘅汁，意大利Carbonara同歐洲食開嘅唔同，一般
五漁村食過炸海鮮好味又新鮮，只係€5，想再食，但呢碟€20，又一次失望，好過噖晚冇味嗰碟，呢碟海鮮不止於冇味，係唔夠鮮甜
呢餐都唔平€49.8，麵包同水都係€5，炸海鮮€20如果好食都唔貴，而家覺得貴
返香港睇果然好低分～Baldassatte Cafe
15:52當我哋行返酒店嘅時候，見到有我哋間租車公司Maggiore，咦？可唔可以呢度還車呢？
我哋還車係馬賓沙機場Malpensa Airport，問咗個職員，話唔得，但話可以去另一個利納堤機場 Linate Airport還，呢個機場7-8公里會近好多
去到Linate Airport還車，職員話呢度可以還車，但我哋要入滿油先可以還
之前租車可選擇自己入滿，或唔入油，還車後由租車公司入，再扣數，我哋揀咗自己入，而家諗住叫租車入啦，話唔得，職員話油站好近
正所謂黑開有條路！
去到油站，先入€20，未滿，要再入，油缸我哋估計再入€25-40，入咗€20後，我淨得張€50，又唔收信用卡，點算，喺我哋研究緊嘅時候，有個阿叔行埋嚟，以為係油站職員，話有散紙可換，見到佢有好多張€5，重即時入錢加油，每次入€10，入到後尾，每次€5，入咗約€35-40左右(事隔咁耐，唔係好記得)，我比€50阿叔，佢竟然唔找錢比我？！⋯吓⋯我哋梗係唔肯，最後比淨€5唔肯再比！
Oh No⋯意大利冶安唔好，我哋會小心，估唔到遇到呢啲咁樣揾食嘅人！事後討論，呢個阿叔應該長駐喺油站，等好似我哋呢啲遊客
而且我哋覺得入多€30左右嘅油都應該入滿，可能連油站個入油槍都做過手腳，當時發生得好快⋯又混亂，應該去揾第二個油站！
今早入油冇咗€20後，呢次入油我哋覺得都冇咗€20，全日淨係油錢都唔見咗€40！！！
16:30還車
今日黑仔唔止入油呢2件事，另外，應該Malpensa Airport還車，租車公司市中心職員話可以去Linate Airport還，去到問Linate Airport個職員，話呢度還OK，還咗之後，返到香港，竟然收我哋€16.15唔同地點還車！要另外收費又唔講清楚，不過⋯我哋諗，Malpensa Airport還車要55公里，油錢同時間都慳咗嘅，當打和囉
17:20但⋯黑仔重未完，想搭呢架車
M1去米蘭大教堂，M2去中央車站，咁當然去大教堂
2個人車錢都係€5，但⋯部機壞咗，有當地人幫我睇，都搞唔掂
唯有坐機場巴士€5/人，而且好慢，呢度去中央車站只係7-8公里，剛才都係由中央車站開過嚟，都好快，坐呢架車要30分鐘有多
18:01 到米蘭中央車站，車站行返酒店好近，老公話咁就返酒店放個相機背囊先，好重
從酒店房望出去
再搭車去大教堂
18:50米蘭大教堂Duomo di Milano，2015年12月初在米蘭，當時聖誕樹重未亮燈
今次好有氣氛，靚過上次
艾曼妞二世拱廊Galleria Vittorio Emanuele II
呢度都有聖誕市集，但今日冇心機行，加上冇德國聖誕市集咁熱閙
19:02文藝復興百貨公司Rinascente
元旦日唔開
街上好多小販賣冒牌，警察驅趕
嘩！好靚！上次冇見到拱廊上天花燈飾
呢度咁旺，係餐廳冇人？應該係元旦休息
LV唔知係閂門定係今日休息
PRADA 都係
坐Metro返酒店
20:06我哋間酒店轉彎就係Spontini Pizza
見到Spontini Pizza，就諗起朋友1個多前都係住呢間Glam Hotel，話想食Spontini Pizza唔一定去米蘭大教堂嗰間，酒店樓下就有
中午點解醒唔起Spontini Pizza，食Pizza好過食中午嗰餐啦，Spontini 又平又好食，上次食過都一直想再食，但可惜⋯今次旅程冇食到
返酒店Glam Hotel，呢間酒店除好近米蘭火車站外，重包晚餐，訂酒店時所有房間都係包晚餐，想訂一晚在酒店食，另一晚出去食係冇嘅，一係自己放棄個晚餐
朋友對食都幾要求高，話晚餐都唔錯，我哋呢呢D Checap精當然唔會放過
20:25又影吓酒店出門個中央車站
Check In時話要預約時食晚餐，20:30去到餐廳，Staff根本都唔得閒，冇理預約幾點，自己揾位坐，人多，好混亂
包晚餐，但飲品自費
包晚餐，但飲品自費
20:39 南瓜湯好飲，但當然冇La Spezia嗰餐咁正啦，人多，甜品都攞定先，酥皮夠脆幾好食
食物種類都幾，味道都唔錯
但人都多，朋友1個多月前係淡季，可以慢慢食，重有好幾種海鮮食，我哋都見到有燒大蝦，但外國遊客係攞一碟大蝦咁攞，燒大蝦出咗一次就唔出，我哋唔夠人搶，只有人哋唔搶嘅我哋先攞到少少
除咗海鮮，其他都可以慢慢揀
21:30 食飽，老公話出酒店吹風
酒店出面落隧道就係Metro，對面係中央車站，呢間酒店好方便
呢間酒店近中央車站同Metro，好方便，包埋晚餐€125/晚，早餐晚餐都唔錯，都抵住，只係客人太多，成日搶食咁，感覺唔好！
有時都好怕同人搶食,其實真係教育問題,要搶既話係冇分中外 >_<!
回覆刪除搶得多都係華人比較多，但估唔到外遊客而家都係咁！或者外國遊客比華人搶得多，唔想再蝕底！
刪除