LANLAN TRAVEL: Day 1-香港去米蘭

2015年11月27－28日

今晚17:55機，但2點多就到機場食午餐，未可以Check in，拖埋行李去餐廳

機場世貿中心－近水樓台

老火湯，好飲

原條人參唔係重點，重點係個湯唔係味精湯，真係老火湯

點心就少咗D

不過食埋抄飯就飽喇，唔使錢，2個Cheap精覺得唔錯

16:16 老公去另一個Lounge，今次我冇得去！

食咗飯冇耐，所以都係食點心為主

老公對甜品一般，冇食到，鍾意食嘅我就冇得食！

17:15 上機

2011年都坐過A380去希臘，但今次2個人坐3個位，飛9個鐘到杜拜，長途機中算舒服，正！

第一次坐飛機有免費Wi-Fi，Emirates呢方面好大方，雖然有限流量，但就算比錢都唔貴，好似1、2歐

可惜係⋯座位中間一排，全部都係強國人！重要喺度玩啤牌x_x"！佢哋有幾嘈，相信都唔使講！

剛上機時，空姐派熱毛巾，到收先巾時，中間的強國女人，飛條毛巾比空姐，但跌落地下，老公話見到空姐一臉無奈！

19:30又食

到派飛機餐，強國人在餐車自己攞橙汁、汽水⋯係一樽⋯一樽攞走！自己幾個人自斟自飲，成班人開Party咁，老公話Emirates咁多強國人坐，真係怕怕，重話呢班人千萬唔好同我哋一齊上船！

食完飛機餐，強國人又再玩啤牌！食完飯，大家都應該休息啦，咁嘈！其他唔使瞓咩！

前面一班玩啤牌！我前面呢位乘客向空姐投訴佢哋太嘈！(後尾知呢位乘客係同團船友，上船係同枱食飯）

空姐叫佢哋安靜D，呢班係另外一班人，坐我哋隔離，共2班人玩啤牌，可以想像有幾嘈！！！

空姐講完靜咗一輪，之後又嘈過！

班強國人飛咗5、6個鐘先靜D，落機前1、2個幾鐘飛機都開燈，可以瞓到時間唔多，我上次坐直航去慕尼黑都瞓唔到，今次我都預咗唔瞓，老公就慘D，瞓唔到幾多個鐘，好在今次唔係自駕

落機時，從來空姐都會好好笑容，同乘客Bye-bye，今次⋯係第一次見到幾個空姐目無表情，唔好當我係強國人，我哋都係受害者啊！

零晨1點，派小食

杜拜機場，要等4個鐘轉機

上機前，香港Duty Free有8折，去到杜拜都一樣，但諗住回程先買，但回程時，我買的護膚品竟然⋯加價⋯鳴！！！

上次坐Emirates去希臘，當時轉機要等5個鐘，時間難過，今次轉機，超過3、4個鐘有Lounge

當然冇香港Lounge咁正，但上網坐吓咁都好過冇

上機去米蘭

呢程唔係A380，飛7個鐘

飛咗約5小時，食早餐

07:02 開始天光

望到米蘭

07:35 降落

米蘭機場的日出

好多人

出機場就買火車去米蘭中央車站Milano Centrale，落到月台，發現冇打飛，所以就上返去打飛，再落月台，問工作人員係咪呢架車，一堆意大利文，當係，但當時⋯同機乘客一個都唔見，以為我哋慢，其他乘客上咗上一班車走晒，坐到時間差唔多到，先發現坐錯車，去咗唔知咩站，可能係Milano Porta Garibaldi⋯ -_-"，頭先有車長查飛，點解佢唔講，睇唔到？！

09:50 Milano Porta Garibaldi？

後尾同船友講返，大部份人都係坐巴士去中央車站，方便又平D，但老公覺得坐火車準時又安全，冇諗過坐巴士！

發覺坐錯車時，都差唔多到總站，就去到先算

落車問人，可以轉Metro去，有甩轆⋯冇大問題

酒店在Metro Repubbica站，其實去中央車站都要轉Metro，而家搭多幾個站，係用多好咗時間啫

10:38出Metro Repubbica站

都要行好幾分鐘先到酒店－Ibis Milano Centro，酒店要提早Check in要比€30，梗係寄行李算

洗個面，執一執嘢，就由酒店行去中央車站買天日火車飛去熱拿亞Genoa

如果頭先唔係上錯火車，會先去中央車站買飛，再去酒店寄行李，其實⋯都真係浪費咗唔少時間！

11:18 途中經過今晚食飯間餐廳－Osteria del Lazzaretto，但老公話唔想今晚限住時間返嚟，不如中午食咗先，好，買完火車飛回頭食

11:22經過一間教堂

11:27 見到米蘭中央火車站

要先排隊攞紙仔，排長龍，幾混亂吓

之後再等叫號碼，有自助機買飛，但怕買錯，而且冇乜人用自助機，都係算，等咗半個鐘有多先買到

其實之前可以喺網上買票，老公話唔確定天日幾點上火車，加上未買過，又怕買錯上唔到船，都係即場買好D

但之前網站見到係€18/2人，而家係€41/2人，差一半有多！回程火車飛一樣冇上網買定，老公話落船後，可能喺熱拿亞行吓，時間唔確定，唔好買定，最後來回火車飛加埋比多€46！
老公話安全最緊要喎（同枱食飯D船友全部都上網買平飛！）

中央車站入面