第三日（下）－清境農場、清境香格里拉晚餐

食飽就入青青草原

今日星期五，冇綿羊Show睇

隻馬仔好似好攰

綿羊周圍行，任你摸

呢度可買飼料餵羊

綿羊Show場地

原本行清境幾條步道，咁嘅天氣，算把啦

15:45 有馬術Show睇

睇完買包紅蘿蔔餵馬仔，馬仔好為食

餵馬仔時搞到成手都係馬仔嘅口水

好多人同馬影相

同圍行吓

天氣幾日都係咁，真係無話可說

一絲絲藍天，天日會唔會好天呢

因為唔夠一個月先決定呢個旅行，加上51假期，清境想住民宿滿咗，揀民宿時，見到清境香格里拉，加錢可以包晚餐，而香格里拉晚餐口碑唔錯，而另一間個景又好開揚，問老公住2晚都轉民宿好唔好，老公話是但，就咁⋯雖然只係住清境2晚，都轉民宿

但細妹喺我訂晒酒店先決定一齊玩，又遲幾日，香格里拉已冇晒房，咁我就幫細妹訂天晚住嘅民宿2晚，咁佢哋就唔使轉，所以今晚大家住唔同民宿⋯哈哈

去清境香格里拉Check in 先，訂埋枱一齊食晚餐，因細妹之前冇訂位，但因為多人，要一齊食一齊坐要第二輪，即係19:10先有4人枱

訂晚餐時要揀埋食乜，老公同細妹都想食牛排，但職員話我哋4個人，應該一人一種喎，可以試多幾樣，細妹就揀咗魚，我覺得職員有D唔啱，人哋想食乜就乜啦，好在細妹冇乜所謂

17:34 間房係木屋，幾有特色，床鋪都好舒服，以為今晚會有覺好瞓，點知仲差過之前

廁所就好舊 

平台出面風景

房門口都幾舒服 

原本都幾滿意間民宿，但係 Wi-Fi 收得好差，要出房門口先收得好少少，扣分

另一邊，細妹今晚住－日光青境民宿，今晚開車過嚟食晚餐

Check in 後 Whatsapp D相過嚟，環境好開揚，有露台，佢哋好滿意，我都係比呢間嘅景觀吸引，所以住清境2晚都轉酒店

見到老英格蘭

等細妹食晚餐時，去咗餐廳附近上網，嘩！嘈到呢，好彩晚餐冇食第一輪，食7點重好，清靜D

自助沙律吧，呢個酸薑雞沙律好開胃，大家都覺得好食

磨菇湯好飲，我同細妹都飲咗2碗

沙律吧有意粉、抄飯、生果、汽水咖啡等

細妹嘅魚排

妹夫食豬肋排

老公食牛排

我食雞排

全部都好食，尤其豬肋排同牛排，呢餐大家食得滿足，只係想坐多陣嘆杯咖啡，職員話要清場，當時只8點，食咗一個鐘咋喎


咁我哋拎杯咖啡去大廳坐，周圍插滿鮮花

最後，最重要，當11點瞓覺，樓上住客行嚟行去，又拖喼又拉，總之好嘈，樓上住客一行路，地板就"唧唧"聲，諗住自己早瞓，忍多陣啦，忍到12點都咁，去同職員講

一講，職員已經問係咪腳步聲，吓⋯⋯即係民宿一早知問題啦，唉！職員話會同樓上住客講，之後咪一樣，嘈到12點幾⋯⋯！第二朝⋯⋯樓上好早起身，又比佢嘈醒

老公話見到出入嘅人－－係香港人！

清境香格里拉我一定 唔 會 再  住，但佢嘅晚餐就可以再食