2026年3月7-8日 星期六-日
今次回香港前飛去北海道玩幾日，因為日子關係，只逗留7日北海道，香港14日，計吓，原來已經10年有多冇去北海道
第一次去北海道係2006年聖誕節，因為老公鍾意凍、落雪浸溫泉♨️，今次第5次去北海道，都係冬天去(我都想秋天去次)
北海道好多大景點都去過，今次想重温吓20年前(其實係十九幾年)第一次去北海道去過嘅地方，就去登別、洞爺湖(函館太遠)，再加第二去過的支笏湖，老公鍾意的道東，下次重温吧，行程冇特別Plan，浸温泉、Hea
8點多，曼城機場1903 Lounge
今次係第一次由曼城出發坐Business，曼城出發通常都係坐Econ，今次因為落機就即租車，加上時差會幾攰，老公話來回都坐Business
之前用Priority Card去過1903呢個Lounge，心諗，今次係咪會正啲呢，原來入面有另一個位俾Business的
但對於曼城的Lounge，不敢期望，果然⋯都係冇乜嘢食，係人少啲囉，都多啲酒飲，但我唔飲酒，老公晨早流流，都唔會飲酒
最特別算係有水煮蛋＋麵包，我以為係Eggs Benedict，因為冇Ham冇荷蘭醬，Staff話唔係Eggs Benedict😆
老公話香腸唔好食
10:25起飛，航空時間12小時25分，06:50到香港
通常在香港回英係零晨機，冇前菜，今日可能係午餐的關係🤔️，竟然有前菜，主菜的叉燒湯麵梗係唔會揀，通常宵夜小食會有一款麵
三文魚小食，唔錯
前菜我同老公揀飲忌廉湯
後尾我想改食大蝦沙律，男機艙長(我估係)，竟然話我想食的話，可以俾我試晒2款，貪心的我，梗係好啦😁，我份忌廉湯用杯裝，細細哋試吓，2樣都唔錯
主菜的砵酒燴牛腩，好老好柴，只食紅蘿蔔同沙律，好在之前食咗2個前菜
甜品又係任我點，梗係叫晒啦😄(之前幾次試過叫多一款唔得架)，不過味道一般
今次呢個男機機艙長服務態度超好👍，之後同佢傾偈，佢話
COVID 19之後，好多係新入職嘅同事，都好多客人投訴，佢自己做咗好多年(睇得出好資深好有經驗)
小食我想揀芝士漢堡，之前次次都係食雲吞麵
最後我唔想食太多，叫老公食叉燒湯麵，俾我試一啖，估唔到叉燒又幾好味喎
曼城飛香港係10:25早機，之前好多時瞓唔著，雖然今次坐商務，都係瞓得2個鐘！好在老公都瞓得到，最緊要佢瞓到，因去到北海道就要開車
早餐唔想食西式，今次中式早餐連點心都冇配，得炒麵，冇乜味道
差唔多到香港，灰濛濛的，幾時整咗咁多風力發電🤔️
香港轉機時去～The Pier玉衡堂，每次回英坐國泰機的話，多數都去The Pier，人少啲
久違的雲吞麵，今日的雲吞麵一般，可能Lounge多人，整定好多，反而回程時在機上食宵夜，嗰碗好味啲
早餐時間，食物沒太多選擇
CX580～09:10 ，14:50到新千歲機場
上到機，真係新機艙Aria Suite 爾雅商務艙，正👍
之前都知呢程去北海道機，有機會坐新的爾雅商務艙，短程都好啦
前面未有人，影吓相先
Aria Suite 爾雅商務艙的儲物箱比之前細
電視下面拉出枱面，感覺比舊機艙的枱面大
前菜係生果😂
點心唔好食，皮好乾，早知食豚肉生薑燒
因為好攰，食完早餐，估唔到都瞓到2個鐘，加上呢程機短途機，中間應該唔會叫小食，比較安靜
呢程有啲烏龍事，因為攰、因為有名人同我哋同機，落機時老公叫我望，問我係咪某某人，所以最後漏電話在機艙，重要幾日後先發現 😂(因為我當時有2部電話)，返到香港後，最後揾得返😁
主要因為攰同冇記性吧
到新千歲機場時落雪🌨️
攞咗行李就去租車的位置，叫Information的職員幫手打電話，通知租車公司的Shuttle Bus來接我哋，一去到租車公司落Shuttle Bus，職員已經叫我哋放行李入車，睇架車的周圍、影相(手續都未辦）
影完相先叫我哋入去辦手續，入到去話要加免責保險(每次都係咁)，我哋之前買嘅只係基本保險，4日加¥10000，都費事再講，加就加啦，都預咗會叫我哋加
因為發現自己有啲問題，只想快啲俾完錢開車走😆
今次經ToCoo租4日車，YARIS CROSS 四驅車＋雪軚¥46,975， 免責保險¥10,000， 差唔多HK$3,000 租4日車
因為想早啲到登別，就行高速公路¥1890
17:10 見到登別鬼像
原本我唔想住第一淹本館的，因為覺得舊，但原來有翻新，就再住
今次揀住～東館，真係新淨咗
第一淹本館係我哋第一次到北海道時(19幾年前，真係差唔多20年，第一次到北海道係2006年的聖誕節)，北海道住的第一間温泉酒店，所以老公想重遊
呢間房都唔錯，夠大
和菓子小點心，好甜😂
Check In時編排我哋19:30食晚餐，我想食早場的，因為上機前一晚瞓得2小時，2程機加埋4小時，真入超級攰💤好眼瞓🥱，早啲食完早啲瞓，可惜
未夠時間食晚餐，老公話出去行温泉街，凍一凍個人，返酒店浸溫泉，再食晚餐
行去温泉街前影一影～大金捧
18:10登別溫泉街
老公成日話當年第一次行登別溫泉街覺得好得意，今日再重温，發覺其實好短(出發前睇YouTube都知)，梗係啦，而家溫泉街都去過唔少
想當年，呢間商店有行過，而家再入去行吓，買咗少少紀念品
上次在登別住2晚，其中一晚係呢間～全日本最大露天温泉
18:42 返去浸溫泉
19:39自助晚餐的魚生原本唔抱期望，但估唔到都唔錯喎，燒牛肉就好一般
想當年，晚餐有燒蟹腳，覺得好好味，當時燒蟹腳的阿叔燒到滿頭大汗🥵，而家當然唔會有燒蟹腳，咁多客人，邊燒得切
蟹腳唔係條條咁好味，有啲好鮮甜，有啲好鹹，有啲冇乜味，不過大部份都唔錯
油甘魚、吞拿魚、蝦都好唔錯，大滿足
9點唔夠已經冇乜人，唔想阻人收工，唔夠時間食甜品，最後食幾件算，好在甜品唔算好出色
今日買咗2件紀念品
因為時差，05:30醒咗瞓唔返，7點準時落去食早餐
早餐超級豐富，味道又好，尤其銀鱈魚西京燒，好滑好味(英國Costco買都唔平)，炸薯餅都唔錯，食咗2件
噖晚唔夠時間食夕張軟雪糕，今朝食
香港夏天先有得食的荔枝，今日食急凍，好幾年冇食了
第一淹本館(第一瀧本館)，性價比好高，相當滿意
沒有留言:
張貼留言